Breaking News

Federal agentlar: Vashingtonda terror xuruji fosh etildi


Federal agentlar: Vashingtonda terror xuruji fosh etildi
Federal agentlar: Vashingtonda terror xuruji fosh etildi

AQSh Federal Qidiruv Byurosining ma'lum qilishicha, poytaxt Vashingtonda Kapitoliy binosini portlatish arafasida turgan shaxs qo'lga olingan.

Kapitoliy - qonunchilik organi Kongress joylashgan azim inshoot.

Hibsdagi odam Marokashdan 29 yoshli yigit ekani ma'lum. Undan topilgan moddalar qalbaki bo'lgan, chunki niqobdagi federal agent u bilan hamkorlik qilgan. 2010-yilning dekabr oyidan beri u kuzatuv ostida edi, deydi huquq-tartibot xodimlari.

Amin al-Xalifiy ismli bu shaxs ommaviy qirg'in qurollarini ishlatishga uringanlikda ayblanmoqda, xususan harbiy inshoot, restoran va sinagogaga hujum qilish rejasi bo'lgan. Niqob ostidagi agentga u o'zini portlatib, kamida 30 kishini o'ldirsa ham rozi bo'lishini aytgan.

Xalifiy Amerikada, Virjiniya shtatida hujjatsiz yashagan. Uning biror terror guruhiga aloqasi borligi haqida isbot-dalil yo'q, deya bildiradi agentlar.

2009-yilda Yevropadan Amerikaga uchib kelayotgan samolyotni portlatishga uringanlikda aybdor deb topilgan nigeriyalik Umar Farrux Abdulmutallib kuni kecha umrbod qamoq jazosiga mahkum etildi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG