Breaking News

Tailandda inson savdosiga aloqador rasmiylar hibsga olinmoqda


Batoul Bashir Ahmad, a five-month-old child suffering from dehydration, is carried by his mother, a displaced Iraqi woman who fled her home during a battle between Iraqi forces and Islamic State militants, in Mosul.
Batoul Bashir Ahmad, a five-month-old child suffering from dehydration, is carried by his mother, a displaced Iraqi woman who fled her home during a battle between Iraqi forces and Islamic State militants, in Mosul.

Tailandda inson savdosi bilan shug'ullanuvchi jinoiy tarmoqqa aloqadorlik gumoni bilan o'ndan ziyod rasmiylar hibsga olindi. Ular Myanma (Birmaning yangicha nomi) va Bangladeshdan Tailand orqali migrantlarni noqonuniy ravishda o'tkazganlikda ayblanmoqda.

Tay politsiyasi reydi sabab ko'p kontrabandachilar qochishga majbur bo'lib, yo'lga chiqqan minglab migrantlar dengizda qarovsiz, oziq-ovqat va suvsiz qolib ketdi.

Myanmadan asosan Rakxayn shtatida yashovchi musulmonlar qochmoqda. Ular hukumatni diskriminatsiyada ayblaydi.

"Roxinja musulmonlarini Myanma hukumati fuqaro sifatida ko'rmayapti", - deydi AQSh davlat kotibining yordamchisi Enn Richard.

Unga ko'ra, Myanma rahbarlari, jumladan muxolifat yetakchisi Au San Su Chi mavzuni ko'tarishi lozim.

Tinchlik uchun Nobel mukofotining sohibasi fuqarolikdan mahrum, huquqlari buzilayotgan xalqning taqdiri xususida lom-mim demagani unga qarshi tanqidlarga sabab bo'ldi.

Myanma hukumati ularni bangladeshlik noqonuniy immigrantlar deb, fuqaro sifatida tan olmoqchi emas.

Dengizda sarson bo'lgan odamlarning yetti ming nafariga Indoneziya va Malayziya vaqtincha boshpana ajratishga majbur bo'ldi. Bir yil ichida ular boshqa mamlakatlarga ko'chirilishi kutilmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG