Tibetda 600 odam hibsga olingan, bir ayol o'zini yoqqan

  • Amerika Ovozi

Xabarlarga ko'ra, Tibet poytaxti Lxasada Xitoy politsiyasi yuzlab odamlarni ushlagan. Yakshanba kuni ikki tibetlik rasmiy Pekin siyosatiga norozilik bildirib, o'zini yoqqanidan beri kommunistik rejimdan norozilar ta'qibga olinmoqda. Jami 600 ga yaqin odam hibsga olingan. Tibetlik bo'lmaganlar o'lkadan haydalgan.

Inson huquqlari faollariga ko'ra, bugun Lxasada uch bolaning onasi ham monastir oldida o'ziga o't qo'yib, o'lgan.

Tibetliklar o'lkaning diniy rahnamosi Dalay Lamaning yurtiga qaytishini ham talab qilmoqda. Pekin nazarida tibetliklarni xorijdan turib yo'ldan urishmoqda. O'ziga o't qo'yishlar chetdan boshqarilmoqda va o'lkada bo'lginchilik kayfiyatini kuchaytirishga qaratilgan, deydi hukumat.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG