Tillerson: NATOdagi ittifoqchilar mudofaa xajaratlarini oshirsin

  • Amerika Ovozi

Bosh diplomat Reks Tillerson, NATO Bosh kotibi Yens Stoltenberg, Ukraina Tashqi ishlar vaziri Pavlo Klimkin

Amerika bosh diplomati Reks Tillerson Bryusselda NATOdagi ittifoqchilar bilan uchrashib, mudofaa xarajatlarini oshirishni talab qilgan.

Davlat kotibining aytishicha, Iroq va Suriya kabi hududlarda harbiy vazifalarni ado etish uchun alyans zaxiralarni ayamasligi kerak. U, shuningdek, hamkorlar bilan Rossiyaning Ukrainadagi agressiv xatti-harakatlarini muhokama qilgan.

Tillerson Bryusselda uch muhim masalani muhokama qilmoqchi ekanini aytadi: NATO zaxiralarini oshirish, terrorizmga qarshi kurash va Rossiyaning Ukrainadagi, umuman Sharqiy Yevropadagi xatti-harakatlariga qarshi javob choralarini ko'rish.

Moskvaga nisbatan aytilgan bu so'zlar Tramp ma'muriyatining yanvarda ishga kelganidan beri qilgan eng keskin bayonotlaridan.

Tillerson bir kun oldin Turkiyada bo'lib, Prezident Rajab Toyib Erdog'an va boshqalar bilan ko'rishgan, Anqaraning "Islomiy davlat" to'dasiga qarshi kurashdagi ahamiyatini alohida eslatgan edi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG