Turkiya, Yevropa qochqinlar yuzasidan majlis qilayapti

  • Amerika Ovozi

Germaniyadagi qochoqlar

Germaniyadagi qochoqlar

Turkiya va Yevropa Ittifoqi mulozimlari bugun, yakshanba kuni ko'rishib, muhojir va qochqinlar oqimiga javob choralarini muhokama qilmoqda.

Turkiyaga 3.2 milliard dollar yordam puli ajratish haqida bitim imzolanishi kutilayapti.

Turkiyada hozirning o'zida Suriyadagi fuqarolar urushidan qochgan millionlab odamlar jon saqlamoqda.

Bundan tashqari, Yevropa Ittifoqi va Turkiyaga muhojirlar kirishini cheklash, himoyaga muhtoj bo'lmaganlarni qaytarib yuborish ham muhokamada.

Yevropaga oqib kelayotgan muhojirlarning ko'pi Turkiya orqali o'tmoqda.

Shuningdek, tomonlar dekabrda Turkiyani 28 a'zolik ittifoqqa qabul qilishga doir muzokarani davom ettirmoqchi.

Turkiya 1997-yilda ittifoqqa kirishga tayyor deya e'lon qilingan, jarayon rasman 2005-yilda boshlangan, biroq hanuz bir natija yo'q.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG