Vashingtonda minglab odam Turkiyani quvvatlab marshga chiqdi

  • Amerika Ovozi

Amerikada yashovchi minglab turkiyaliklar hamda boshqa boshqa ko'plab davlat va millat vakillari 24-aprel kuni poytaxt Vashingtonda Turkiya sha'nini himoya qilib namoyish o'tkazdi. Yig'in 1915-yilgi armanlar fojeasini qatliom deb atash bo'yicha Anqaraga nisbatan xalqaro bosim va e'tirozlar kuchayayotgan paytda yuz berdi.

10 mingdan odam qatnashgan marsh Turk-Amerika Milliy yo'naltirish qo'mitasi tomonidan tashkil etilgan.

Tashkilot asoschilaridan biri Ibrohim Uyarning aytishicha, Vashington, Nyu-York va Texasdagi metro va jamoat transportlariga Turkiyani qo'llab-quvvatlovchi reklama bannerlari ham osiladi.

Ijtimoiy tarmoqlarda #LetHistoryDecide (Tarix o'zi hal qilsin) deb nomlangan media kampaniyasi ham boshlangan. U orqali 1915-yilgi armanlar fojeasi yuzasidan Armaniston olib borayotgan propaganda yo'lini to'sish maqsad qilingan.

Birinchi jahon urushi davrida yuz minglab armanlar Turkiyada hukm surgan Usmoniylar saltanati tomonidan ommaviy qatl qilingani aytiladi. Turkiya bu raqamlarning bo'rttirilganini aytib, arman millatiga qarshi qasddan qatl rejalanmaganini aytib keladi. Armaniston va xalqaro hamjamiyatning ko'plab boshqa davlatlari esa Anqaradan fojeani rasman genotsid sifatida tan olishni talab qiladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG