AQSh Turkiyadan "Patriot" mudofaa sistemasini chiqaradi

  • Amerika Ovozi

"Patriot" sistemasi

"Patriot" sistemasi

Qo'shma Shtatlar Turkiyada o'rnatilgan "Patriot" rusumidagi havo mudofaa tizimini oktabr oyida shartnoma muddati tugaganidan so'ng mamlakatdan chiqarmoqchi.

"Patriot"ning ikki batareyasi Turkiyani Suriyaning ehtimoliy havo hujumlaridan himoya qilish uchun 2013-yilda o'rnatilgan edi, ammo biror marta qo'llanilmagan.

Pentagon matbuot kotibi kapitan Jeff Deyvisning aytishicha, bugunga kelib, Suriya harbiy salohiyati ancha zaiflashgan.

“Assad rejimi holsizlanmoqda, raketalarining aksariyati mamlakat ichidagi nishonlarga sarflanmoqda", - deydi Deyvis.

Suriya armiyasi mahalliy isyonchilar va "Islomiy davlat"ga qarshi jang qilar ekan, o'q-dorilari oz qolmoqda. Pentagon, zarur bo'lsa, Turkiyani O'rta Yer dengizidagi harbiy kemalaridan turib himoya qilishini bildirmoqda.

“AQSh mudofaa tizimi oktabr oyida Turkiyadan chiqariladi", - deydi Pentagon vakili.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG