Erdog’an namoyishlarni shu ondayoq tugatishni talab qildi

  • Amerika Ovozi

Turkiya Bosh vaziri Rajab Toyyip Erdog’an hukumatga qarshi namoyishlarni zudlik bilan to’xtatishga chaqirmoqda.

“Nima qilsak, demokratiya doirasida qilamiz. Nima ish boshlasak, qonun asosida bajaramiz.

“Biz 76 million fuqaromiz va boshqa har qanday usullarni noqonuniy deya rad qilamiz”, - dedi Erdog’an.

Shimoliy Afrika safaridan qaytgan bosh vazirni yurtida minglab tarafdorlari olqishlar bilan kutib olgan.

Bir haftadirki, Turkiya namoyishlar domida. Avvaliga Istanbuldagi parkning buzilishidan norozilar boshlagan yig’in tez orada hukumatga qarshi g’alayon tusini olgan.

Tanqidchilar nazarida Erdog’an o’zining islomiy qarashlarini targ’ib qilib, avtoritar rahbarga aylanib borayapti.

Politsiya va namoyishchilar o’rtasidagi to’qnashuvlar ikki odamni hayotdan olib ketdi. Minglab fuqarolar jarohatlangan va yana minglab odamlar hibsda.

Hukumat kuch ishlatgani uchun xalqdan kechirim so’ragan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG