Turkmaniston va Afg’oniston gaz quvuri haqida gaplashmoqda

  • Amerika Ovozi

Turkmaniston va Afg’oniston mintaqada tabiiy gaz quvuri yotqizish loyihasiga qaytmoqda.

Ikki davlat rahbarlari Qurbonguli Berdimuhammedov va Hamid Karzay bu haqda kelasi oy Nyu-Yorkda, BMT Bosh Assambleyasi sammiti doirasida gaplashishga kelishib olgan.

Turkmaniston delegatsiyasi kelasi hafta Kobulga borib, Turkmaniston, Afg’oniston, Pokiston va Hindistonni bog’lovchi bu quvur tafsilotlarini muhokama qiladi.

Loyiha haqida 15 yildan beri so’z boradi. Osiyo Taraqqiyot Banki uning ijrosida qatnashish niyatida, biroq bir necha milliard dollarlik bu quvur uchun qo’shimcha mablag’ topish – murakkab masala.

1700 kilometrlik tarmoq Hilmand va Qandahordan o’tishi kerak, biroq notinch viloyatlar xorij sarmoyadorlari shashtini pasaytirmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG