Breaking News

Turkmaniston Niyozov merosidan voz kechmoqda


Turkmanboshi o'limidan so'ng u qurdirgan haykallar, belgilagan siyosat, mafkura moziyga ravona bo'lmoqda.

Turkmaniston poytaxti Ashgabatda marhum prezident Saparmurod Niyozov sharafiga o'rnatilgan 12 metrlik oltin suvi yuritilgan haykalni olib tashlash ishlari yakunlangan. 1998-yilda qad ko'targan haykal Quyoshga yuz tutgan holda harakatlanar edi va balandligi 75 metr bo'lgan Neytralitet arkasida turar edi.

Ma'lumotlarga ko'ra, qishgacha arka ham olib tashlanadi.

Saparmurod Niyozov mamlakatni 15 yil boshqargan. 2006-yilda to'satdan vafot etib, uning o'rniga Qurbonguli Berdimuhammedov kelgan. Shundan so'ng Turkmanboshini ulug'lovchi yodgorliklar, amaliyotlar, siyosatdan voz kechila boshladi. Xususan, davlat madxiyasi matnidan uning ismi olib tashlandi, rasmiylar yangi lavozimga kirishayotib unga qasamyod keltirishi bekor qilindi, barcha idora va o'quv yurtlarida o'rganilishi majburiy bo'lgan Niyozov ijodining namunasi - "Ruhnoma"dan voz kechildi.

  • 16x9 Image

    Odil Ro'zaliyev

    Odil AQShning Tafts Universitetida (Tufts University) magistrlik darajasini olgan. Ungacha O'zbekistonda Jahon tillar universitetida tahsil qolgan, Nyu-Yorkdagi Peys universitetida bir yil almashinuv dasturi bo'yicha o'qigan. 

    Odil graduated from the Uzbekistan State World Languages University. Then he was an exchange student at Pace University in New York for one year (1993-1994). He got his Master's degree from Tufts University in Massachusetts in 2004.

XS
SM
MD
LG