Poroshenko, Putin Milanda ko'rishdi

  • Amerika Ovozi

Milanda ular Osiyo va Yevropa rahbarlarining yillik sammiti doirasida uchrashyapti.

Milanda ular Osiyo va Yevropa rahbarlarining yillik sammiti doirasida uchrashyapti.

Rossiya prezidenti Vladimir Putin va Ukraina rahbari Petro Poroshenko bugun Milanda ko'rishib, Ukrainadagi tanazzulni hal qilish haqida gaplashdi.

Uchrashuvda Germaniya kansleri Angela Merkel va Fransiya rahbari Fransua Olland ham ishtirok etgan.

To'rt arbob Milanda Osiyo va Yevropa rahbarlarining yillik sammiti doirasida uchrashyapti. Jurnalistlar muzokara qanday o'tayapti, natijalar qanday, deya so'raganida Putin "ma'qul" deya javob bergan.

Poroshenko esa Rossiya va Ukraina o'rtasida gaz ta'minoti borasida olg'a siljish bor, demoqda.

Shuningdek, ikkisi Ukraina sharqidagi ixtilof tinimsiz davom etishidan hech kim manfaatdor emasligini ta'kidlayapti. Mojaro shu kungacha minglab odamlarni hayotda olib ketib ulgurdi.

Rossiya Qrimni o'ziga qo'shib olib, Kreml sharqdagi isyonchilarni qo'llab-quvvatlashda davom etar ekan, G'arb va Rossiya aloqalari sovuq urushdan keyingi eng quyi nuqtaga yetgan. G'arb Moskvani bir necha bor sanksiyalar bilan jazoladi.

Ukraina sharqida Malayziyaga qarashli yo'lovchi samolyotining urib tushirilishi va natijada 298 odamning o'limi aloqalarni yanada keskinlashtirgan.

Moskva isyonchilarni samolyotni urib tushirishda qo'llangan raketalar bilan ta'minlaganini qat'iyan rad etadi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG