Bryusselda Rossiyaga qarshi yangi sanksiyalar muhokamada

  • Amerika Ovozi

Yevropa Komissiyasi prezidenti Joze Manuel Barrozo

Yevropa Komissiyasi prezidenti Joze Manuel Barrozo

Yevropa Ittifoqi Rossiyani Ukrainadagi mojaroga aralashayotganlikda ayblab, uning moliya va mudofaa tizimlariga qarshi yangi sanksiyalar kiritishi kutilmoqda. Bugun Yevropa Ittifoqi elchilari Bryusselda majlis qiladi.

AQSh prezidenti Britaniya, Germaniya, Italiya va Fransiya rahbarlari bilan telefonda gaplashib, yangi jazo choralarini muhokama qilgan.

Bu o’rtada xalqaro tergov guruhi Ukraina sharqida urib tushirilgan Malayziyaga qarashli samolyot halokatini taftish qilishga harakat qilmoqda. Biroq samolyot qulagan joy atrofida Ukraina armiyasi va isyonchilar o’rtasida qonli janglar davom etarkan, buning iloji bo’lmayapti.

Tergovga bosh bo’lgan Niderlandiya Ukraina hukumatidan harbiy amaliyotni bas qilishni so’ragan.

Bugun ma’lum bo’lishicha, Ukraina armiyasi isyonchilarga qarshi qisqa masofali ballistik raketa otgan. Kecha esa Gorlovka shahri armiya tomonidan bombardimon qilinib, 17 kishi, jumladan bolalar, o’lgan.

O’z navbatida AQSh Rossiyani o’z hududidan turib Ukraina harbiylarini o’qqa tutayotganlikda ayblamoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG