Kiyevda milliy birdamlik bo'yicha muzokara

  • Amerika Ovozi

Bosh vazir Arseniy Yatsenyuk, qonunchilar va hokimlar qatnashayapti.

Bosh vazir Arseniy Yatsenyuk, qonunchilar va hokimlar qatnashayapti.

Bosh vazir Arseniy Yatsenyuk, qonunchilar va hokimlar qatnashayapti, biroq ayirmachilardan vakil kelmagan.


Ukraina sharqidagi Kramatorsk shahrida kecha bo’lginchilar va harbiylar olishib, yetti askar o’lgan. Ketidan bugun Kiyevda milliy birdamlik muhokamada.

Mazkur muzokaralar Yevropada xavfsizlik va hamkorlik tashkiloti ishlab chiqqan rejaning davomi. Bosh vazir Arseniy Yatsenyuk, qonunchilar va hokimlar qatnashayapti, biroq ayirmachilardan vakil kelmagan.

Kramatorskdagi to’qnashuv Germaniya Tashqi ishlar vaziri Frank-Valter Shtaynmayer Kiyevga safar qilayotgan bir paytda ro’y berdi.

U muzokara hukumat, fuqarolik jamiyati vakillarini bir davraga to’playdi, oy oxiridagi saylovlar oldidan Rossiyaga moyil separatistlarni qurolini tashlashga ko’ndiradi, degan umidda.

AQSh Davlat departamenti ommaga havola qilgan, sun’iy yo’ldosh orqali olingan suratlarda Ukraina bilan chegarada Rossiya qo’shinlarini ko’rish mumkin. Moskva o’tgan hafta askarlarni chegaradan qaytarib olganini aytib ishontirgan edi.

Suratlar 9-mayda tushirilgan. Unda chegara yonidagi Belgorod, Mariupol shaharlarida rus vertolyotlari, zirxli mashinalarni ko’rish mumkin.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG