Sobiq chechen isyonchi Boston xurujiga aloqam yo'q deydi

  • Amerika Ovozi

AQSh federal qidiruv byurosi o’tgan Boston marafonida sodir etilgan portlashlarni tergov qilar ekan, voqeaga sobiq chechen isyonchisi aralashgani haqidagi taxminni tekshirmoqda.

Chechenistonlik Musa Xojimurodov isyonchilar safida jang qilgan, 2004-yilda Qo’shma Shtatlarga ko’chib ketgan.

Xojimurodovning “Amerika Ovozi”ga aytishicha, u 2006-yilda Bostonda Chechen jamoasi yig’inida Tamerlan Tsarnayev bilan uchrashgan.

Shundan beri yozishib yurganmiz, ammo din, siyosat yoki chechen urushi haqida gaplashgan emasmiz, deydi.

Tsarnayev 26-aprel kuni politsiya bilan otishmada o'lgan. Boston fojeasi tergov qilina boshlaganidan beri rasmiylarga bor ma'lumotni ochiq-oydin bayon qilganman, deydi Xojimurodov.

Aka-uka Tamerlan va Johar Tsanayevlar Bostondagi portlashlarda gumon qilinadi. Xurujda uch kishi halok bo’lib, 264 odam jarohatlangan edi.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG