Al-Qoida Chikagodagi yahudiy ibodatxonalarini portlatmoqchi bo'lgan, deydi prezident Obama

  • Amerika Ovozi

Al-Qoida Chikagodagi yahudiy ibodatxonalarini portlatmoqchi bo'lgan, deydi prezident Obama

Qo'shma Shtatlarga yo'l olayotgan yuk samolyotlarida topilgan ikki shubhali paketlarda portlovchi moddalar bo'lgan, deydi prezident Barak Obama bugun Oq Uyda qilgan favqulodda bayonotida.

"Buni mamlakatimizga nisbatan jiddiy tahdid deb qabul qilamiz", - deydi Obama. "Paketlar Britaniya va Birlashgan Arab Amirliklarida aniqlangan va Chikagodagi ikki sinagoga manzil sifatida ko'rsatilgan".

Butun Amerika bo'ylab xavfsizlik choralari kuchaytirilgan. Yuk samolyotlari va mashinalari birma-bir, izchil tekshiruvdan o'tmoqda.

Portlovchi modda solingan paketlardan biri Birlashgan Arab Amirliklariga tegishli samolyotda topilgan
Portlovchi modda solingan paketlardan biri Birlashgan Arab Amirliklariga tegishli samolyotda topilgan

AQSh rasmiylari xurujni al-Qoidaning Arab yarimorolidagi a'zolari amalga oshirmoqchi bo'lgan deya xulosa qilmoqda.

Obamaning aytishicha, paketlar Yamandan samolyotga chiqqan. Al-Qoida bu mamlakatda chuqur ildizga ega.

Hozirda Yamandan chiqayotgan barcha yuk to'xtatilgan.

"Al-Qoida Arab yarimorolidan turib, bizga va fuqarolarimizga hamda bizning ittifoqchi-hamkorlarimizga qarshi hujumlar rejalayotgani haqida aniq ma'lumotlarga egamiz",- deydi Obama.

Rasmiylarning bildirishicha, terroristlar Chikagodagi yahudiy ibodatxonalarini nishonga olish niyatida Yamandan kamida 13 paket yuborgan bo'lishi mumkin. Ulardan ayrimlari topilgan, ammo xavfsiz deya baholanmoqda.

Yaman hukumati bu hodisalar yuzasidan katta tergov boshlagan. Prezident Obama "terrorizmga qarshi kurashda bu davlatga yordam beramiz", deydi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG