Eshton Karter: AQSh Osiyo-Tinch okeanida xavfsizlik garovi bo'lib qoladi

  • Amerika Ovozi

Mudofaa vaziri Eshton Karter (o'ngda) Singapurga safari paytida.

Mudofaa vaziri Eshton Karter (o'ngda) Singapurga safari paytida.

Qo'shma Shtatlar yana ko'p yillar Osiyo-Tinch okeani mintaqasida asosiy xavfsizlik kafolatchisi bo'lib qoladi, deydi Pentagon rahbari Eshton Karter. Xitoy mintaqadagi Janubiy Xitoy dengizida orollar barpo etishni bas qilsin, deydi Karter.

Mudofaa vazirining aytishicha, Osiyodagi barcha davlatlar, jumladan, Xitoy orollar ustidagi bahsni harbiy tortishuvga aylantirmasligi, munozarani tinch yo'l bilan hal qilishi kerak.

Xitoyning agressiv harakatlari mintaqadagi davlatlarni birlashtirmoqda, deb hisoblaydi Karter. Bu mamlakatlar AQShdan bu bahsga aralashishni, Osiyo-Tinch okeani regionida xavfsizlik kafolati bo'lib xizmat qilishni so'rayapti, deydi mudofaa vaziri.

Pekin Janubiy Xitoy dengiziga da'vo qilib, sun'iy orollar barpo etayapti. Hududga Malayziya, Vyetnam va Filippin ham da'vo qilayapti, biroq harbiy qudrati jihatidan ustun Xitoy o'zini agressivroq tutayapti.

Eshton Karterning aytishicha, Amerika xalqaro dengiz hududlarida zarur bo'lsa, uchadi, suzadi va tartibni kuzatadi.

O'tgan Xitoy hafta dengiz uzra kuzatuv olib borgan Amerika samolyotiga hududni tark etishni buyurgan edi. Pentagonning bildirishicha, jangovar samolyot xalqaro suvlarda harakat qilgan va hududni tark etishdan bosh tortgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG