Breaking News

AQSh kongressmenlari Markaziy Osiyo rahbarlari bilan uchrashdi, hamkorlik uchun rahmat aytdi


Dan Burton
Dan Burton
AQSh qonunchilaridan iborat delegatsiya bu hafta Markaziy Osiyoning to’rt respublikasida bo’ldi. Qozog’iston, Qirg’iziston, Tojikiston va O’zbekiston.



Kongressmen Den Berton (Dan Burton) va Vakillar Palatasining boshqa a’zolari qay yurtga bormasin, bir gapni qaytardi: Amerika uchun Markaziy Osiyo muhim va Vashington serqirra hamkorlikka tayyor.

Delegatsiya prezidentlar bilan uchrashdi, shuningdek, deputatlar va senatorlar.

Muloqotda bugungi siyosiy rishtalardan tortib, xavfsizlik, qoradori savdosiga qarshi kurash, savdo-sarmoya, ta’limiy almashinuv va madaniy aloqalar, ko’plab sohalar tilga olindi.

Vakillar Palatasi a’zolari Afg’oniston yuzasidan Amerika bilan ittifoqchilik qilayotgan bu davlatlarga minnatdorchilik bildirish uchun borganini aytadi.

Kongressmen Berton maqsad bu respublikalar bilan yaqindan tanishish, siyosatchilar bilan fikr almashish deydi.

Vashington nazarida mintaqa avtoritar rahbarlar ostida va demokratiya tomon juda sekin qadam tashlamoqda.

Ammo Ostona, Bishkek, Dushanbe va Toshkentda kechgan uchrashuv va muloqotlarda kongressmenlar tanqid emas, hamjihatlikka urg’u bergan. Amerika har sohada yordamga tayyor, deydi Berton.

Xususan 6-iyul kuni Oqsaroydagi qabul paytida, o’zaro ishonchni mustahkamlash kerak, degan gaplar yangragan. Amerika kongressmenlari va prezident Islom Karimov iqtisodiy va gumanitar hamkorlik, shuningdek, demokratiya va fuqarolik jamiyatini rivojlantirish zarurati haqida gaplashgan. O’zbekiston tomon bu borada jadal harakat qilayotganini ta’kidlagan, Amerika buni olqishlagan.

Qozog’iston, Qirg’iziston, Tojikiston va O’zbekiston Afg’onistonda xalqaro koalitsiyaga zarur mahsulotlar yetkazadigan Shimoliy Ta’minot Tizimining ajralmas qismlari. AQSh bu yordam uchun mintaqada har yili o’rtacha 500 million dollar sarflamoqda.
  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG