Los-Anjelesni dunyoga tanitayotgan yozuvchi

  • Amerika Ovozi

Amerikalik yozuvchi Liza Si “Shanxay qizlari”, “Quvonch orzulari” kabi kitoblar muallifi, so’nggi yillarda nafaqat AQSh, balki boshqa mamlakatlarda yaxshi tanildi. O’z asarlarida Si kelib chiqishi xitoylik bo’lgan amerikaliklarning hayotini tasvirlaydi.

Mallasoch, sepkilli Liza Sining bobolaridan biri xitoylik bo’lganiga ishonish qiyin. Holbuki, bu haqiqat. Tagi xitoylik amerikaliklardan. Los-Anjelesning Chaynataun mahallasi unga yaxshi tanish.

Lizaning bobosi Fon Si Chaynataunga asos solganlardan. Yozuvchi o’zining “Oltin tog’da” kitobini shu mavzuga bag’ishlagan.

“Birinchi kitobim oilam haqida edi. Bu qolgan asarlarim mavzuini belgiladi”.

Boshqa kitoblarida Si Xitoy madaniyati va Amerika bilan aloqalarini yoritadi.

U Chaynataundagi qarindoshlarinikiga tez-tez borib turadi. Bugun yozuvchi bir necha o’n yillikdan buyon oilasiga tegishli bo’lgan do’konga keldi.

Los-Anjeles xitoylik immigrantlar uchun doimo jozibador shahar bo’lgan, deydi Si.

“Bugunga kelib Los-Anjelesda AQShning eng ko’p sonli xitoylik jamiyatini topish mumkin”.

Muhojirlarning aksariyati San-Gabriel vodiysiga ko’chib ketgan. Osiyoliklar o’z bizneslarini yo’lga qo’ygan u yerda.

Ammo Chaynataun butun Osiyodan immigrantlarni hamon o’ziga tortadi. O’tmishda ota-bobolarni bu yerga nima yetaklagan bo’lsa, bugun ham shu.

“Biri qo’rqib, boshqasi aksincha jasorat ko’rsataman deb, yana biri tavakkalchi bo’lgani uchun o’z yerini tashlab bu diyorga ko’chib kelishga qaror qilgan”.

Har birining taqdiri qiziq. Mavzuni bo’lajak asarlarimda qalamga olishda davom etaman, deydi Liza Si.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG