AQSh qonunchilari prezident Karimov huzurida bo'ldi

  • Amerika Ovozi

AQSh Kongressi delegatsiyasi O'zbekistonga safar qilib, Oqsaroyda prezident Islom Karimov huzurida bo'ldi.

Vakillar Palatasining Yevropa va Yevrosiyo bo'yicha quyi qo'mitasi rahbari Dana Rorabaker (Dana Rohrabacher) boshchiligidagi qonunchilar parlamentlararo hamkorlik doirasida Toshkentga tashrif buyurgan.

Oqsaroydagi uchrashuvda iqtisodiy va siyosiy aloqalar, qo'shma iqtisodiy loyihalar va Afg'onistondagi vaziyat haqida fikr almashildi, deya xabar beradi O'zbekiston axborot agentligi.

Prezident Islom Karimov AQSh va O'zbekiston o'rtasida siyosiy, iqtisodiy va savdo sohalarini qamrab olgan va ikki davlat manfaatlariga javob beradigan hamkorlik dasturi ishlab chiqilganini qayd etgan.

AQSh delegatsiyasi - kongressmenlar Dana Rorabaker (Kaliforniya), Pol Kuk (Kaliforniya), Ted Po (Texas) va Brayan Xiggins (Nyu-York) - O'zbekistonning Afg'oniston yuzasidan berayotgan ko'magi uchun minnatdorchilik bildirdi.

Afg’onistondagi xalqaro koalitsiyaga yuk tashiladigan yo’nalish, Shimoliy Ta’minot Tizimi, O’zbekistondan ham o’tadi. AQSh 2014-yilda urushni yakunlashni rejalar ekan, harbiy vositalarni olib chiqishda respublika muhim rol o'ynashi mumkin.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG