2030-yilga borib Xitoy iqtisodiy jihatdan eng qudratli davlat bo'ladi

  • Amerika Ovozi

AQSh bosh razvedka idorasi har to'rt yilda o'z tahlilnomasini chiqaradi.

Bu yilgisida qayd etilishicha, Xitoy iqtisodiy jihatdan tobora kuchayib bormoqda. Bu ketishda 2030-yilgacha eng qudratli mamlakat bo'ladi. Lekin, umuman olganda, global maydonda Amerika yetakchilikni boy bermaydi, deyiladi hujjatda.


Maxsus kengash chiqargan hisobotga ko'ra, Osiyo yalpi milliy mahsulot, aholi soni, ishchi kuchi, harbiy xarajat va texnologik sarmoya bobida, Shimoliy Amerika va Yevropani qo'shganda ham, oldinda bo'ladi.

2030-yilga borib dunyoda o'rta sinf vakillari ko'pchilikni tashkil eta boshlaydi.

Hozirda yer yuzida aksariyat odamlar qashshoqlikda kun kechirayapti, ya'ni kuniga daromadi 1 dollardan past.

Kelasi 18-20 yilda jahon aholisi 8 milliardga yetadi. Ular asosan suv taqchil hududlarda yashaydi, jumladan, Xitoy va Hindistonda.

Afrika, Janubiy Osiyo va Yaqin Sharqda tabiiy zaxiralar ozayishi va ob-hayot yetishmasligi sabab turli mojarolar avj olishi, mavjud konfliktlar kuchayishi mumkin.

Qo'shma Shtatlar energetik jihatdan mustaqil bo'la oladi, lekin Yevropa Ittifoqi va uning atrofidagi davlatlar, Rossiya hamda Yaponiya iqtisodi zaiflashishi taxmin qilinmoqda.

Dunyoning eng qaynoq nuqtalari hamon Yaqin Sharq mamlakatlari bo'lib qoladi.

Kelajakda urush bo'lsa, unda atom qurollari ishga solinishi mumkin degan xavotir kuchayib bormoqda. Osiyo - tahlika maydoni, deyiladi AQSh razvedka idorasi chiqargan yilnomada. Hindiston va Pokiston yadroviy qudratga ega davlatlar.

Milliardlab dollar yordamga qaramay Afg'oniston, Burundi, Pokiston, Somali va Yaman sayyoradagi eng zaif davlatlar bo'lib qoladi.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG