Oq uy respublikachilar taklifini mantiqsiz deb topdi

  • Amerika Ovozi

Vashingtonda faollar, muhojirlar namoyishi. Immigrant qizaloqning ko'ylagida "Onamni deportatsiya qilmang" deb yozilgan.

Vashingtonda faollar, muhojirlar namoyishi. Immigrant qizaloqning ko'ylagida "Onamni deportatsiya qilmang" deb yozilgan.

Oq uy Kongress Vakillar palatasida hukmron respublikachilarning immigratsiyaga doir takliflarini keskin tanqid qilayapti.

Muxolifat Amerikaga bolaligida olib kelingan nolegal muhojirlarga qonuniy maqom berib, ularning ota-onalarini deporatsiya qilish tashabbusi bilan chiqqan.

Obama ma’muriyati nazarida bu mantiqsiz taklif. Immigratsiya tizimi islohoti izchil, asosli bo’lishi kerak, deydi Oq uy matbuot kotibi Jey Karni.

Vakillar palatasida ishlab chiqilayotgan hujjat loyihasi Bolalar akti deya nomlanishi kutilmoqda.

Dastur mamlakatga kichik paytida ota-onasiga ergashib kelgan hujjatsiz muhojirlarni avf etishni, fuqarolikka yo’l ochishni ko’zlaydi.

Senatda ko’pchilikni tashkil etgan demokratlar esa AQShda yashayotgan 11 million noqonuniy immigrantlarning barchasiga imtiyoz berish tarafdori.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG