Vakillar palatasi Eron yadro dasturiga doir bitimni ma'qulladi

  • Amerika Ovozi

Kongress yuqori palatasi, Senat o'tgan hafta loyihani yoqlab chiqqan edi. Oq uyning bildirishicha, Prezident Barak Obama unga qo'l qo'yishni rejalamoqda.

Kongress yuqori palatasi, Senat o'tgan hafta loyihani yoqlab chiqqan edi. Oq uyning bildirishicha, Prezident Barak Obama unga qo'l qo'yishni rejalamoqda.

Vakillar Palatasi Kongressga Eron yadro dasturi borasida erishilgan har qanday bitimni ma'qullash yoki rad etish huquqini beruvchi hujjat loyihasini qo'llab-quvvatladi.

Senat o'tgan hafta loyihani yoqlab chiqqan edi. Oq uyning bildirishicha, Prezident Barak Obama unga qo'l qo'yishni rejalamoqda.

Loyiha Kongressga Eron, AQSh va jahonning yana besh davlati erishgan kelishuvni ko'rib chiqish uchun bir oy muhlat beradi.

Obama ma'muriyati avvalroq Kongressni Tehron bilan muzokaralarga yo'latmoqchi emas edi. Obama nazarida bu Eron bilan shundoq ham murakkab muloqotni izdan chiqarishi mumkin edi.

Lekin keyinroq tobora ko'p demokratlar hujjat loyihasini yoqlab chiqar ekan, prezident fikridan qaytdi.

AQSh, Britaniya, Xitoy, Fransiya, Germaniya va Rossiya 30-iyungacha Tehronning yadro dasturi bo'yicha tugal kelishuvga erishishi kerak.

Unga ko'ra, Eron uranni boyitish dasturini qisqartiradi va bu bilan ommaviy qirg'in qurolini yasash ehtimoli kamayadi.

Evaziga G'arb davlatlari Eronning iqtisodiyotini bo'g'ib qo'ygan sanksiyalarni yumshatadi.

Tehronning ta'kidlashicha, yadroviy tadqiqotlar doim tinch maqsadlarni ko'zlab kelgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG