Tinch okeani bo'yidagi 12 davlat hamkorlik bitimini imzoladi

  • Amerika Ovozi

Tinch okeani mintaqasidagi 12 davlat vakillari, Yangi Zelandiya

Tinch okeani mintaqasidagi 12 davlat vakillari, Yangi Zelandiya

Tinch okeani mintaqasidagi 12 davlatning savdo vaziri bugun, payshanba kuni Yangi Zelandiyada Trans Tinch okeani hamkorlik bitimini imzoladi.

Erkin savdo hududini nazarda tutuvchi kelishuv jahon iqtisodiyotining yarmini tashkil etuvchi bu davlatlarda soliqlarni kamaytirish va savdo to'siqlarni olib tashlashga xizmat qiladi.

Amerikaning savdo bo'yicha mas'ul vakili Maykl Froman bitimni imzoladi.

Bitim sharofati bilan AQSh iqtisodiyoti yiliga 130 milliard dollar foyda ko'radi, eksportdan 350 milliard dollar daromad qilinadi. Shunday ekan, Kongress kelishuvni ma'qullaydi, degan umiddaman, deydi Froman.

Shartnomaga qo'l qo'ygan 12 mamlakat parlamentlari uni tasdiqlashi kerak bo'ladi.

Ayrim tanqidchilar fikricha, bitim AQShda ish joylarini kesib, Amerika bozori chet el mahsulotiga to'lib ketadi.

Lekin Oq uy izohiga ko'ra, hujjat AQSh eksportiga qo'yilgan minglab soliqlarni bekor qiladi va Amerika mahsuloti uchun jahon bozorlarini ochib beradi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG