AQSh afg'onlarga minglab dollar tovon to'ladi

  • Amerika Ovozi

Qandahor viloyati

Qandahor viloyati

Qo’shma Shtatlar 11-mart kuni Qandahor viloyatida amerikalik askar Robert Beyls o’ldirgan odamlarning yaqinlariga tovon to’ladi.

Halok bo’lgan har bir shaxs uchun 50 ming dollar, yaralanganlar uchun esa 11 ming dollar.

Qandahor viloyat kengashi a’zosi Hoji Og’a La’li Dastagiriy “Amerika Ovozi” bilan suhbatda shuni aytadiki, oilalar tovon olish uchun hokim huzuriga kelganida, axborot vositalari buni yoritmasin deb so’ragan. Oilalar Tolibon ularga, Amerikadan pul olgani uchun, hujum qilishi mumkin deya xavotirda.

Shu bois, deydi oqsoqol, tovon to’langani haqida sal kechroq ma’lumot berildi.

Serjant Robert Beylsga 17 modda bo'yicha ayblov qo'yilgan. Aybdor deb topilsa, o'lim jazosiga mahkum etilishi mumkin. AQSh o'tgan yarim asr ichida biror harbiysini qatl etmagan.

Serjant Robert Beylsga 17 modda bo'yicha ayblov qo'yilgan. Aybdor deb topilsa, o'lim jazosiga mahkum etilishi mumkin. AQSh o'tgan yarim asr ichida biror harbiysini qatl etmagan.

NATO qo’mondonligi ham bu borada og’iz ochmayapti. Harbiylar uchun bu odatiy hol. Tovon to’langanini ular hech qachon tasdiqlamaydi, lekin rad etmaydi ham. Bu, deydi mutasaddilar, maxfiy, sir tutiladigan masala.

Bu fojia ortida turgan askar Robert Beylsga 17-modda bo’yicha ayblov qo’yilgan. Tergovchilar deydiki, serjant Beyls o’sha mash’um kechada ikki qishloq aholisiga hujum qilgan, orada bazaga kelib ketgan. Ikkinchi hujumdan qaytayotganida qo’lga tushgan.

Advokatlarning aytishicha, ayblanuvchi ruhan kasal va nima jinoyat sodir etganini hozir eslolmayapti. Aybdor deb topilsa, o’lim jazosiga mahkum etilishi mumkin. Amerikada o’tgan yarim asr ichida biror harbiy qatl etilmagan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG