Talabalar orasida marixuana chekuvchilar ko'paymoqda

  • Amerika Ovozi

Amerikalik talabalar tamakiga qaraganda ko’proq marixuana iste’mol qilishga o’rganmoqda.

So’nggi tadqiqot natijalariga ko’ra, talabalarning 5,9 foizi deyarli har kuni nasha chekadi. Bu 1980-yildan beri eng baland ko’rsatkich. 2007-yilda bundaylar soni 3,5 foizga teng edi. Kollej talabalarining 5 foizi esa har kuni tamaki chekishini aytgan.

Yoshlar orasida marixuana bilan eksperimentlar o’tkazish hollari ham ko’paygan. Talabalarning 21 foizi so’nggi 30 kun ichida bu narkotikdan kamida bir marta foydalangan. 2006-yilda bu raqam 17 foizga teng edi.

Biroq 2014-yilga qaraganda raqamlar deyarli o’zgarmagan, deydi masalani o’rgangan Michigan universiteti tadqiqotchilari.

“So’nggi 7-8 yil ichida kollej talabalari orasida marixuana iste’moli oshgani aniq. Yuqori sinf o’quvchilari orasida ham shunday jarayon kuzatiladi”, - deydi bosh tadqiqotchi Lloyd Jonson.

Marixuana tamakidan xavfsizroqmi?

Narkotik modda iste’molining oshayotganiga asosiy sabab, deydi Jonson, marixuana tamakiga qaraganda zararsiz, degan noto’g’ri tushunchaning mavjudligidir.

2006-yilda yoshi 19 dan 22 gacha bo’lgan yoshlarning deyarli barchasi marixuananing har kungi iste’moli salomatlik uchun zarar degan bo’lsa, 2014-yilda bunday fikrni so’ralganlarning bor-yo’g’i 35 foizi bildirgan.

“Sabab shundaki, ko’p shtatlarda marixuanani tibbiy maqsadda hamda dam olish uchun iste’mol qilish qonuniylashtirildi”, - deya tushuntiradi Jonson. AQShning to’rtta shtati va uchta shahari, shu jumladan, poytaxt Vashingtonda marixuana chekish qonunga zid hisoblanmaydi. Yana 12 shtatda tibbiy maqsadda, ya’ni shifokor maslahati bilan bunday qilish mumkin.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG