Terrorda ayblangan shaxs sud oldidan vafot etdi

  • Amerika Ovozi

1998-yilda AQShning Afrikadagi elchixonalariga qarshi xurujlarni rejalanganlikda ayblangan shaxs - Abu Anas al-Libiy og’ir xastalikdan ko’z yumgan. U yaqin kunlarda Nyu-Yorkda sud oldida javob berishi kutilgan edi.

Al-Libiyni 2013-yilda AQSh maxsus kuchlari Liviyada ushlagan. Advokatining aytishicha, u gepatit va jigar saratoni bilan olishayotgan edi.

AQShning Keniya va Tanzaniyadagi elchixonalariga qilingan hujumda 250 dan ziyod odam o’lgan. Al-Libiy xurujni rejalashda al-Qoidaga yordam bergan, terror guruhini axborot bilan ta’minlab turgan, deydi tergovchilar.

Al-Libiy aybdor ekanini hech qachon tan olmagan. Uning qatorida Saudiya Arabistoni fuqarosi Xolid al-Favvoz ham 12-yanvar kuni sudga tortilishi belgilangan edi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG