Amerika orzusiga yetayotgan o'zbeklar


Virjiniya shtatining Richmond shahri va uning atrofida yashaydigan o’zbeklarga bosh-qosh vatandoshlardan biri Dilbar Beyad o’zini Amerika orzusiga erishgan insonlardan biri deb biladi.

Richmondda oilalarning o’rtacha yillik daromadi 60 ming dollar atrofida, uylarning o’rtacha bahosi esa 300 ming dollar. Ko’pchilik ko’chmas mulkni kreditga oladi, ipoteka yo’li bilan. 15-30 yil davomida qarzni foizi bilan to’laysiz. Sizga uy yoki mulkingizga xaridor topib bergan mutaxassisga esa umumiy narxning 3-4 foizi tegadi, bu uning ish haqi.

Dilbar Beyad bu sohani egallash uchun maxsus kurslarga borgan, test topshirib, litsenziya olgan. Har bir shtat alohida ruxsatnoma talab qiladi.

Dilbar Beyad asosan o’zi yashaydigan hududda faoliyat yuritadi. Hayot bu yerda oson emas, deydi u, tinim yo’q, doimjiy mehnatdasiz, har bir daqiqa g’animat. Aniq reja asosida ishlamasangiz, maqsadga erishish qiyin. Raqobat kuchli.

  • 16x9 Image

    Navbahor Imamova

    Navbahor Imamova "Amerika Manzaralari" turkumidagi teledasturlar muallifi. TV va radio diktor, prodyuser, muxbir va muharrir. AQSh siyosati va hayoti hamda Markaziy Osiyodagi muhim masalalarni yoritadi. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida muharrir sifatida boshlagan. Jahon Tillar Universiteti Xalqaro jurnalistika fakultetida ham dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

XS
SM
MD
LG