Vatandoshlarga savol: Amerikada hayot qanday?


Qo'shma Shtatlarda bugun minglab o'zbekistonliklar yashaydi. Umumiy soni bo'yicha aniq ma'lumotlar mavjud emas. Lekin o'zini o'zbek deb biladigan odamlar 300 mingga yaqinlashib qolgan bo'lsa ajab emas, deydi yetakchi vatandoshlar. Eng katta jamoa Nyu-Yorkda.

Nyu-Yorkning Bruklin tumanida asoslangan Vatandosh O'zbek-Amerika Federatsiyasi har yoz Vashingtonga sayohat uyushtiradi. Qo'shma Shtatlarda yangi hayot boshlagan o'zbekistonliklar bu imkoniyatdan foydalanib, poytaxtga keladi. Kongress va Oq uy albatta ko'rilishi kerak. Suratlarga tushishadi. O'zbekiston elchixonasi ham ularga o'z eshigini ochadi. Vatandoshlarga dasturxon yoziladi.

Mehmonlar yana bir dargohda albatta to'xtab o'tadi - "Amerika Ovozi" da. Biz esa fursatdan foydalanib, vatandoshlarni savolga tutamiz. Xo'sh, Amerikada hayot qanday? Nimadan xursandsiz, nimadan tashvishdasiz? Yangi jamiyatda ildiz otish qanchalik qiyin? Yurtdoshlaringizga nima gapingiz bor? Tinglang, tomosha qiling.

  • 16x9 Image

    Navbahor Imamova

    Navbahor Imamova "Amerika Manzaralari" turkumidagi teledasturlar muallifi. TV va radio diktor, prodyuser, muxbir va muharrir. AQSh siyosati va hayoti hamda Markaziy Osiyodagi muhim masalalarni yoritadi. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida muharrir sifatida boshlagan. Jahon Tillar Universiteti Xalqaro jurnalistika fakultetida ham dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

XS
SM
MD
LG