Breaking News

Seshanbadan boshlab Yamanda qisqa muddatli sulh kuchga kiradi


Yamanda hutiy isyonchilar Saudiya Arabistonining besh kunlik sulh taklifini qabul qildi. Tomonlar seshanbadan boshlab barcha jangovar harakatlarida tanaffus e'lon qiladi. Gumanitar tashkilotlar imkoniyatdan foydalanib muhtojlarga yordamni yetkazadi.

Saudiya yetakchiligidagi koalitsiya mamlakatda hutiylar pozitsiyalarini nishonga olib kelmoqda. Bugun sobiq Prezident Ali Abdulla Solihning poytaxt Sanodagi uyi bombardimon qilindi. Solih hutiylarni qo'llab-quvvatlayotgani aytiladi. Hujum paytida u uyda bo'lmagan.

Kuzatuvchilarga ko'ra, harbiy havo kampaniyasi va hutiylar harakati oqibatida mart oyidan beri yuzlab fuqaro nobud bo'lgan.

AQSh Davlat kotibi Jon Kerri hutiylarni sulhni buzmaslikka chaqirdi.

“Tanaffus paytida o't ochmang, joylashuvingizni o'zgartirmang, bu gumanitar tanaffus", - dedi Kerri.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG