Breaking News

Bleyk: O'zbekistonda baza ochish niyatimiz yo'q


Robert Bleyk, AQSh Davlat kotibi muovini Robert Bleyk "Amerika Ovozi" bilan suhbatda, 21-avgust, 2012, Vashington (suratni kattalashtirish mumkin)
Robert Bleyk, AQSh Davlat kotibi muovini Robert Bleyk "Amerika Ovozi" bilan suhbatda, 21-avgust, 2012, Vashington (suratni kattalashtirish mumkin)

BMTdagi uchashuvlar

Nyu-Yorkda Birlashgan Millatlar Tashkiloti Bosh Assambleyasining yillik sessiyasi o’tar ekan, Markaziy Osiyoning besh respublikasidan kelgan arboblar bu yig’indan tashqarida Qo’shma Shtatlar diplomatlari bilan muzokaralar olib bormoqda.

AQSh Davlat kotibining Janubiy va Markaziy Osiyo masalalari bo’yicha muovini Robert Bleyk (Robert Blake) ushbu uchrashuvlarga bosh-qosh.

Yetakchi diplomatning "Amerika Ovozi" ga aytishicha, xususan Qozog’iston bilan strategik hamkorlik tahlil ostida.

Mintaqadan kelgan vakillar bilan Afg’oniston va xavfsizlikdan tortib, iqtisodiy hamkorlik, inson huquqlari va demokratiya targ’iboti, hammasi muhokamada.

“Afg’onistondagi askarlarimizga zarur mahsulotlar yetkazib beradigan Shimoliy Ta’minot Tizimini mustahkamlashda davom etamiz. Terrorizm va qoradori savdosiga qarshi kurash, chegara xavfsizligi va nihoyat AQSh kompaniyalari uchun mintaqada biznes imkoniyatlar ochish va sharoitni yaxshilash… Shuningdek, inson huquqlari va erkinlik bilan bog’liq masalalar. Mintaqada e’tiborni shularga qaratayapmiz",- deydi diplomat.

AQSh-O'zbekiston, da'volar asossiz

Bleykning O’zbekistonga shu yilning avgust oyida qilgan safari AQSh bu mamlakatda harbiy baza ochishi mumkin degan taxminlarni yanada kuchaytirib yubordi. Rossiya matbuotida bu borada ko’plab maqolalar bosildi. Amerika rasmiylari bu da’volar asossiz deydi. Ayrim ishonchsiz manbalar iddao qilayotganidek yashirin kelishuvlar yoki pinhona rejalar yo’q, deydi diplomatlar.

“Avgust oyidagi uchrashuvlardan keyin ham so’rashganida, bu taxminlarni inkor etganman, hozir ham shuni aytaman. O’zbekistonda harbiy baza ochish niyatimiz yo’q. Lekin respublikaning Shimoliy Ta’minot Tizimidagi rolini yuqori baholaymiz. O’zbekiston Afg’onistonni elektr toki bilan ta’minlamoqda. Bu ham tahsinga loyiq. Shuningdek, O’zbekiston bilan boshqa sohalar, xususan huquq va demokratiya, fuqaro jamiyati barpo etish singari masalalarda birga ishlashga harakat qilayapmiz. Shu yo’lda davom etamiz”,- deydi Bleyk.

Mintaqa uchun qancha mablag' ajratilmoqda?

Obama ma'muriyati asosiy diqqat notinch Afg’oniston va u bilan bog’liq hamkorlikda ekanini ochiq tan oladi. Vashington mintaqaviy birdamlik, Janubiy va Markaziy Osiyo orasidagi savdo yo’llarini kengaytirish, hamkorlikni oshirish yo’lida yordamga tayyor ekanini qayd etib kelmoqda. Lekin AQSh olg’a surayotgan Yangi Ipak Yo’li uchun moliya ajratilmagan, alohida loyihalarga mablag’ beriladi xolos.

Amerika moliyaviy jihatdan qiyin bir davrni boshdan kechirmoqda, deydi Bleyk, lekin Markaziy Osiyo davlatlari uchun rejalangan yordam puli qirqilmagan.

“Bu shundan dalolat beradiki, mintaqa biz uchun muhim… Barcha respublikalar bilan yaqindan ishlash, har sohada hamkorlik qilishga bel bog’laganmiz.

Gap bu yerda AQShning 2013-yildagi byudjeti haqida ketmoqda. Janubiy Osiyoda eng ko’p pul Afg’oniston (4,6 milliard dollar) va Pokistonda (2,4 milliard dollar) sarflanadi.

Markaziy Osiyoda Qirg’iziston bu borada yetakchi o’rinda. Kelasi yili AQSh bu davlatga 46,7 million dollar rejalagan. Tojikiston uchun 37,4 million, Qozog’iston 14,9 million, O’zbekistonga 12,6 million, Turkmanistonga esa 6,7 million.

Qirg'izistondagi o'zgarishlar

Qirg’iziston parlamenti spikeri Asilbek Jeenbekov yaqinda Vashingtonga safar qildi. Kongress, Oq Uy va Davlat departamentida bo’lib, Bishkekdagi o’zgarishlarni tushuntirdi.

“Qirg’izistonda yangi bosh vazir, yangi tashqi ishlar vaziri… Biz ular bilan ishlashga shaymiz... Hukumat tinch yo’l bilan o’zgarganidan mamnunmiz. Bu Qirg’iziston demokratik yo’ldan ketayotganini anglatadi. Bu davlat parlament tizimiga o’tganini biz boshidan olqishlab kelayapmiz",- deydi Bleyk.

"Yana bir muhim masala bu respublikada etnik hamjihatlikni quvvatlash. Shuningdek, iqtisodni oyoqqa turg’azish. Boshqaruvni yaxshilash kerak. Barcha sohada yordamga tayyormiz va berib kelayapmiz ham”.

AQSh O'zbekistonda baza ochmaydi, deydi Bleyk/Navbahor Imamova
Iltimos, kuting...

No media source currently available

0:00 0:05:10 0:00
Yuklab oling

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

XS
SM
MD
LG