Breaking News

AQSh Afg'onistonni tark etarkan, qo'shni davlatlarga qurol-aslaha qoldirmaydi


AQSh Davlat kotibining siyosiy masalalar bo'yicha muovini Vendi Sherman (Wedndy Sherman) yaqinda Bishkekda bo'lib, sobiq prezident Roza Otunbayeva, amaldagi rahbar Almazbek Atambayev va vazirlar bilan uchrashdi.

Sherman xonim deydiki, Amerika Qirg'izistondek yosh demokratiyadan yordamni ayamaydi va bu davlat to'g'ri yo'ldan bormoqda deb hisoblaydi.

Bugun asosiy hamkorlik Manas tranzit markazi bilan bog'liq. U yerdan askarlar olib o'tiladi, aerodromda harbiy samolyotlar bor, xalqaro koalitsiyaga zarur yuk yetkazadi. Amaldagi bitim 2014-yilning yozida bitadi. Undan keyin nima bo'ladi, mavhum.

Yetakchi diplomatning aytishicha, AQSh bugungi rishtalardan mamnun va ularni kuchaytirishni istaydi. Umid shuki, deydi Sherman xonim, Qirg'iziston Yangi Ipak Yo'lining ajralmas qismiga aylanadi.

Yangi Ipak - Yo'li Amerika targ'ib qilayotgan tashabbus. Maqsad - Markaziy va Janubiy Osiyoni bir-biriga yaqindan bog'laydigan zamonaviy savdo yo'llari yaratish, hukumatlar orasidagi hamkorlikni kengaytirish. Ammo hozircha tashabbus faqat qog'ozda. Ekspertlarning aytishicha, na Amerka va na tegishli davlatlar bu borada biror konkret loyiha bilan chiqqan.

AQSh o'z qo'shinlarini Afg'onistondan chiqarar ekan, qurol-aslaha va vositalar nima bo'ladi? Balki ularning bir qismi Markaziy Osiyoga hadya qilinadi degan taxminlar bor.

Sherman xonimning bayon qilishicha, bu borada Obama ma'muriyati hali biror qarorga kelmagan. Shunisi aniqki, deydi diplomat, Amerika hech kimga qurol-aslaha bermaydi, biror narsa hadya qilinsa ham u no-jangovar vosita bo'ladi.

Amerika va Qirg'iziston orasidagi nozik masalalardan biri ayni damda sobiq prezident Kurmanbek Bakiyevning og'li Maksim Bakiyevning moliyaviy jinoyatlarda ayblanib Britaniyada hisbga olingani va tovon evaziga qo'yib yuborilgani. Vashington Londondan uni ekstraditsiya qilishni so'ragan. Bishkek Bakiyev vatanga qaytarilsin deydi, chunki bu oila davlat mulkini o'marganlik singari og'ir jinoyatlarda ayblanadi. Vendi Shermanda bu ish haqida so'ralganda, diplomat aniq javob bermadi. Bakiyev Amerika adliyasi oldida javob berishi kerak, dedi xolos.

Diplomatlar ham oddiy odam

Robert Bleyk, Davlat kotibining Janubiy va Markaziy Osiyo bo'yicha muovini, Vendi xonim bilan safar qilmagan. Lekin Bleyk mintaqaga tez-tez qatnab turadi. Odatda u "biznes klass" o'rindiqda emas, oddiy yo'lovchi sifatida uchadi.

Bishkekdagi matbuot anjumanida jurnalistlar shu haqda qiziqib, Vendi Shermanni savolga tutdi.

Bleyk yuqori lavozimiga qaramay aeroportda o'z yukini boshqalar singari kutib turadi, bu hammani lol qoldiradi, dedi muxbirlardan biri.

Vendi xonim xizmat safarida ko'pincha biznes klassda uchishini aytib, "vatanda odatda oddiy yo'lovchiman" dedi.

"Lekin men ham o'z yukimni o'zim ko'taraman. Hech qachon ularni topshirmayman, chunki yo'qolishidan qo'rqaman. Bitta chemodan olaman. Har kuni har yurtdaman, bugungi kiyimni ertaga ham kiysam, hech kim nega deb so'ramaydi...",- deya kuladi diplomat.
  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG