Shanba, 25-oktyabr, 2014 Toshkent vaqti: 05:47

Yangiliklar

Alisher Soipov o'ldirilganiga bir yil bo'ldi

Bugun Qirg’izistondagi muxbirimiz Alisher Soipovning O’sh shahrida noma’lum kishilar tomonidan o’ldirilganiga roppa-rosa bir yil to’ldi.

Qirg’iziston prezidenti Qurmanbek Bakiyevning tergovni o’z nazorati ostiga olishi haqidagi va’dasiga qaramay, bir yil o’tib ham tergov joyidan siljimagan.

Mutaxassislarning aytishicha, bir yil ichida mintaqada, xususan O’zbekistonda matbuot erkinligi borasida bironta ijobiy o’zgarish bo’lmagan. 

Alisher Soipov idorasi yonida ikki noma’lum kishi tomonidan otib ketilgan edi. Tergov haligacha natija bergani yo’q. Qotillar topilmadi, qotillik sabablari ma’lum emas.

Huquq himoyachilari, mustaqil jurnalistlar va Qirg’iziston ichki ishlar tizimidagi ayrim manbalarga ko’ra, Soipovni O’zbekiston xavfsizlik kuchlari yo’q qilgan. Bunga uning jurnalistik va siyosiy faoliyati sabab bo’lgan deyiladi.

2005 yilgi Andijon voqealarini o’z ko’zi bilan ko’rgan mustaqil jurnalist, tazyiq ostida O’zbekistonni tark etishga majbur bo’lgan Galima Buxarbayevaning aytishicha, Alisherning qotillari hali-beri topilmaydi.

“Oldin Qirg’iziston rasmiylari ‘tergovni olib boryapmiz, qotillarni albatta topamiz’ deya ishontirishga urinardi. Endi esa ular befarqlik bilan javob qaytaradi. Qirg’iziston hech qachon yirikroq qo’shnisi, O’zbekistonga qarshi bormaydi”, - deydi Buxarbayeva.

Bryusselda asoslangan Inqirozlarni o’rganish xalqaro guruhi (International Crisis Group) vakili Endryu Strolaynning aytishicha, Alisher Soipovning o’limi mintaqa jurnalistikasiga katta ta’sir qildi.

“Alisherning o’ldirilishi O’zbekiston ichida va umuman mintaqada ishlayotgan jurnalistlarga ‘agar Toshkentdagi tuzumni tanqid qilsangiz, oqibatlari yomon bo’ladi’ degan ogohlantirish bo’lgan. Ularni vahimaga solishni maqsad qilgan. Ana shu vahima o’ziga yarasha senzuradir”.

Endryu Strolayn fikricha, nukuslik mustaqil jurnalist Solijon Abdurahmonovning qoradorini iste’mol qilishda ayblanib 10 yilga qamalishi ham shunga misol.

“Solijon Abdurahmonovning hibsga olinishi mamlakatda qolgan oz sonli mustaqil jurnalistlar faoliyatiga salbiy ta’sir ko’rsatdi”, - deydi Galima Buxarbayeva.

Nyu-Yorkda asoslangan Jurnalistlarni himoyalash xalqaro qo’mitasi (Committee to Protect Journalists) xodimi Nina Ognyanovaning aytishicha, O’zbekistonda malakali jurnalistlar qolmadi.

“Kimdir mamlakatni tark etishga majbur bo’ldi. Kimdir esa faoliyati uchun sharoit yo’qolgach va xorijiy matbuot hukumat bosimi ostida respublikadan chiqib ketgach, kasbini o’zgartirishga majbur bo’ldi”, - deydi Ognyanova.

Suhbatdoshlarimizning  barchasi Yevropa Ittifoqining O’zbekistonga qo’yilgan sanksiyalarni qisman bekor qilish qarorini shoshma-shosharlik deb ataydi.

“Tashkilotimiz hisobiga ko’ra, O’zbekiston qamoqxonalarida ayni damda olti jurnalist saqlanmoqda. Ular soxta siyosiy ayblovlar asosida qamalgan. Prezident Karimovning jiyani majburiy ravishda ruhiy kasalxonaga joylashtirilgan”, - deydi Jurnalistlarni himoyalash xalqaro qo’mitasi xodimi Nina Ognyanova.

Oy boshida Toshkentda matbuot erkinligiga bag’ishlangan xalqaro anjuman o’tkazilgan. Inqirozlarni o’rganish xalqaro guruhi vakili Endryu Strolayn ham unda ishtirok etgan.

“Inson huquqlari va matbuot erkinligi borasida biz ko’rgan ahvoldan kelib chiqib sanksiyalarni yumshatishga asos yo’q deb hisoblayman”, - deydi u. 

“Yevropa Ittifoqi sanksiyalarni ahvol yaxshilanayotganiga qarab bekor qilgani yo’q. Germaniya O’zbekistonga sanksiyalarni olib tashlashga va’da bergan va bu ish Germaniya boshchiligida qilinmoqda. Bu rasmiy Berlinning Termizdagi harbiy bazani saqlab qolishga qaratilgan harakatidir”.

Alisher Soipov o’limidan oldin ota bo’lgan edi. Hozir qizi Zulayho bir yoshdan oshdi. Jurnalist Shohida To’laganovaning aytishicha, Alisherning do’stlari va hamkasblari uning qizi nomiga maxsus jamg’arma ochishga qaror qildi.

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Sonora sahrosi - AQSh-Meksika chegarasida - Water for Migrantsi
X
24.10.2014 23:59
Sonora dashti Shimoliy Amerikadagi eng issiq joylardan. Shunga qaramay Meksikadan chegarani kesib o’tmoqchi bo’lganlar ko’p hollarda aynan shu yerni tanlaydi. Safarga chiqqanlar orasida chanqoqlikdan nobud bo’lganlar kam emas. Bir mahalliy tashkilot suv ulasha boshlagan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kobani

  • Kobani

  • Turkiya-Suriya chegarasida

  • Bag'dod

  • Kanadalik askarlar Iroqqa yo'l olayapti.

Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.

Interaktiv

SAYTGA KIRISHNING XAVFSIZ YO’LI