Shanba, 29-noyabr, 2014 Toshkent vaqti: 09:56

Xalqaro

Fransiyada afg'on rasmiylari va jangarilar muzokarada

Hilmand viloyati, Afg'oniston
Hilmand viloyati, Afg'oniston
Amerika Ovozi
Afg’on rasmiylari Fransiyada Tolibon va yana bir necha jangari guruhlari vakillari bilan yopiq eshiklar ortida muzokara qilmoqda. Mamlakatning 2014-yilda xorijiy qo’shinlar tark etganidan keyingi kelajagi muhokamada.

Afg’oniston Oliy tinchlik kengashi, Tolibon va unga qarshi kurashib kelgan Shimoliy alyans ilk bor yuzma-yuz muzokara qilmoqda. Kengash toliblar bilan muloqotni boshlash maqsadida 2010-yilda prezident Hamid Karzay tomonidan tuzilgan. Parij yaqinida o’tayotgan tadbir ikki kun davom etadi, matbuot tomonidan yoritilmaydi.

Fransiya qo’shinlarini Afg’onistondan olib chiqqani uchun ham muzokaralarning bu mamlakatda bo’lishiga rozilik berdik, deydi Hizbi Islomi delegatsiyasi rahbari G’ayrat Bahir. Bahir guruh rahbari, sobiq bosh vazir va ko’zga ko’ringan jangarilar yetakchisi Gulbiddin Hikmatyorning kuyovi.

"Mamlakatda xorijiy qo’shinlar bor ekan, tinchlik bo’lmaydi. Bu uchrashuvdan umidimiz katta, undan unumli foydalanishga harakat qilamiz. Tashabbus afg’onlardan chiqdi, fransuzlar esa vositachilik qilaypti, xolos, ular muzokaralarda ishtirok etayotgani yo’q. Muloqotga Qo’shma Shtatlar aralashmagan", - deydi Bahir.

Fransiya seshanba kuni 500 askarini Afg’onistondan chiqarib, bu mamlakatdagi missiyasini yakunladi. Bugun ma’lum bo’lishicha, to’qqiz ming sonli britan qo’shinlarining yarmi kelasi yili Afg’onistonni tark etadi.  

Prezident Hamid Karzay jangarilar muzokaralarda qatnashish istagini bildirganidan mamnun.

"Afg’onlar urushdan charchagan. Mamlakat tinchlikka tashna. Bunga hissa qo’shadigan har qanday tashabbusni olqishlaymiz", - deydi Karzay.

Afg’on faollariga ko’ra, Tolibon bilan muloqotda ayollar va inson huquqlari masalalarida bo’sh kelmaslik kerak.
 
Ulardan biri Nargis Nehanning aytishicha, 1990-yillardagi fuqarolik urushida ishtirok etgan sobiq jangarilar hozirda parlamentda, hukumatda ishlamoqda.

"Ayrimlari ayollar huquqlariga qarshi edi, shunga qaramay ular bilan til topishildi", - deydi u.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Amishlar kimlar? Amish community in Americai
X
28.11.2014 23:02
Qo’shma Shtatlarda amishlar degan bir g’aroyib jamoa yashaydi. Ular o’zlarini eng oddiy va kamtarin nasroniylar deb biladi. Jamoa tarixi 17-asrga, Shveytsariyaga borib taqaladi. Jekob Amman ismli ruhoniy yangi oqimga asos soladi va unga ergashganlar amishlar deya nom oladi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Livan
  • Turkiya
  • Venetsiya
  • Misr
  • Argentina
  • Angliya
  • Yaponiya
  • Xitoy
  • London
  • Oq uy, Vashington
Fotogalereya

Fotogalereya Shukronalik kuni, Amerika - Thanksgiving Day in America

Noyabrning oxirgi payshanbasi Shukronalik kuni. Yangi vatandagi noz-ne'matlardan shukur qilgan, hosilidan rozi bo'lgan odamlar shunday bayramga asos solgan. Keyinchalik tub aholiga qarshi qonli urushlar olib borgan yevropalik kelgindilar boshida ular bilan bir dasturxondan non yegan. Hindu qabilalar o'z ovqatlarini tanishtirgan bo'lsa, kelgindilar ham o'z taomlarini tortgan. Kurka Shukronalik kuni asosiy taom hisoblanadi. Chunki bu parranda Amerikada serob bo'lgan.
Fotogalereya

Fotogalereya Amerikada Shukronalik kuni

Har yili noyabr oyining so'nggi payshanbasida o'tadigan bu bayram ko'pchilik amerikaliklar uchun oilaviy yig'ilish va kurkali taom demakdir.
Fotogalereya

Fotogalereya Bugungi dunyo, suratlarda

Jahonning turli burchaklaridan olingan antiqa fotolar - 26-noyabr, 2014

Interaktiv

SAYTGA KIRISHNING XAVFSIZ YO’LI