Breaking News

Afg'oniston Markaziy Banki raisi AQShga qochdi


Afg'oniston Markaziy Banki sobiq raisi Abdul Qodir Fitrat
Afg'oniston Markaziy Banki sobiq raisi Abdul Qodir Fitrat

Afg'oniston prezidenti Hamid Karzayning matbuot kotibi Vohid Umarning aytishicha, Markaziy Bank raisi Abdul Qodir Fitrat ishdan bo'shamasdan mamlakatdan qochib ketgan. Fitrat kecha Vashingtonda muxbirlar bilan uchrashib, raislikdan bo'shaganini, hayotiga qasd qilishlaridan qo'rqib, Afg'onistondan chiqqanini ma'lum qilgan edi.

Hukumat Fitratni mamlakatdagi kredit beruvchi yirik muassasa, Kobul Bank inqiroziga aloqadorlikda ayblamoqda. O'tgan yili bank boshqaruvdagi xatolar, mahalliychilik va shubhali kreditlar sabab 900 million dollardan ko'p pul yo'qotib, yopilish arafasida edi.

Markaziy Bank sobiq rahbarining aytishicha, u bu ishga aloqador odamlarni parlamentda fosh etganidan so'ng hayoti xavf ostida edi. Prezident matbuot kotibi esa bu ishda Fitratning ham qo'li bor, deydi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG