Shanba, 06-fevral, 2016 Toshkent vaqti: 07:47

Xalqaro

NATO prezident Karzay da'volarini inkor etmoqda

Afg'onistondagi NATO kuchlari matbuot kotibi general Gyunter Kats
Afg'onistondagi NATO kuchlari matbuot kotibi general Gyunter Kats
Amerika Ovozi
Afg’onistonda harakat qilayotgan NATO yetakchiligidagi xalqaro koalitsiya vakili general Gyunter Katsning aytishicha, qo’mondonlik prezident Hamid Karzayning AQSh maxsus kuchlari Vardak viloyatida aholi tinchini buzayotgani haqidagi da’volarini isbotlovchi dalil topmagan.

Karzay xalqaro kuchlar va ular safida xizmat qilayotgan afg’onlarni inson huquqlarini buzganlikda ayblab, AQSh maxsus qo’shinlariga hududni ikki hafta ichida tark etishni buyurgan.

NATO generali koalitsiya voqeani afg’on tomoni bilan taftish qilishda davom etadi, biroq AQSh maxsus kuchlari tarkibidagi afg’on harbiylarining aholini qiynoqqa solgani yoki o’ldirganiga doir ayblovlarga hozircha javob bera olmaymiz, dedi.

Vashingtonlik tahlilchi Liza Kurtisning aytishicha, qonunni buzayotgan afg’on askarlari oz emas, biroq bundaylarni AQSh qo’shinlari o’z operatsiyalariga jalb qilmaydi.

"Afg’on askarlarining aksariyati xat tanimaydi, qishloqdan chiqqan, o’qimagan. Bundaylar o’zini noto’g’ri tutishi mumkin, albatta, ammo amerikalik harbiylar ularni toqat qilishiga ishonmayman", - deydi ekspert.

AQSh Davlat kotibi Jon Kerri Kobul da’volariga jiddiy qaraymiz, deydi.

Vardak viloyatida, asosan, pashtular yashaydi. Toliblar negizini ham shu elat vakillari tashkil etadi. Yana bir amerikalik tahlilchi Tomas Gutiyerrening aytishicha, viloyatga safarbar etilgan afg’on qo’shinlari asli dariyzabon hududlardan bo’lgani uchun ana shunday muammolar kuzatilayotgan bo’lishi mumkin.

"Maxsus qo’shinlar milliy tarkibini xilma-xillashtirish afg’on xavfsizlik kuchlarini tayyorlash jarayonidagi qiyinchiliklardan biridir", - deydi u.

Karzay idorasiga ko’ra, aybdorlar jazolanadi. Vardak aholisidan ularning kimligini aniqlashda yordam so’ralgan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Saylov-2016: Osiyoliklar ovozi muhimi
X
06.02.2016 00:02
Kelasi chorak asrda Amerikada osiyolik elektorat kamida ikki karra oshadi. 2040-yilga borib, har 10 amerikalikdan biri osiyolik bo’ladi. Lekin siyosatchilar bu jamoaga ko’p ham xushomad qilmayapti. Chunki AQShdagi boshqa immigrant jamoalardan farqli bu guruh ko'ngliga yo'l topish qiyin.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Yaponiyada vulqon portladi
  • "WikiLeaks" asoschisi Julian Assanj Ekvadorning Londondagi elchixonasidan turib matbuot xodimlari bilan gaplashmoqda. BMT hay'ati nazarida uni hibsga olish uchun asos yo'q.
  • Nyu-Gempshir shtati
  • Ukraina
  • Shimoliy dengiz sohillarida, Britaniya
  • Filippinda Xitoyga qarshi chiqishlar
  • Suriya
  • Pokistonda "Kashmir birlashsin" degan talablar ostida namoyishlar
  • Vatikan
  • Singapurda yangi yil
  • Quddus
  • Belgiya
  • Turkiya

Interaktiv

SAYTGA KIRISHNING XAVFSIZ YO’LI