Afg'onistondagi mahalliy transport kompaniyasi rahbari Amerika askarlariga pora berganlikda, evaziga millionlab dollarlik bitimlarni qo'lga kiritganlikda ayblanmoqda.
Tadbirkor Hikmatulla Shodmon 2009-yilda Afg'oniston janubida, Qandahorda amerikalik ikki harbiy bilan ko'rishib, bir necha oy davomida ularga 140 ming dollar pora bergan.
O'z navbatida AQSh harbiylari 3 million dollarlik shartnomalar Shodmonning kompaniyasiga tegishiga ishonch hosil qilgan. Shodmonning kompaniyasi koalitsiya askarlariga transport va og'ir aslaharni yetkazish bilan shug'ullangan.
Biznesmen Hikmatulla Shodmonga qarshi AQSh sudida jinoiy ish qo'zg'atilgan. U hozir qayerda ekani noma'lum.
Askar Robert Grin bir necha oyga ozodlikda mahrum etilgan, harbiy Deyvid Klaynga yaqin kunlarda jazo belgilanishi kerak.