Payshanba, 23-oktyabr, 2014 Toshkent vaqti: 21:29

Siyosat

Pokiston: AQSh chiqsa, Afg'onistonda vaziyat og'irlashadi

Pokiston tashqi ishlar vaziri Xina Rabboniy Xar Afg'oniston prezidenti Hamid Karzay bilan
Pokiston tashqi ishlar vaziri Xina Rabboniy Xar Afg'oniston prezidenti Hamid Karzay bilan

Multimedia

Audio
Amerika Ovozi
AQSh yetakchiligidagi xalqaro qo’shinlarning Afg’onistonni tark etish muddati yaqinlashar ekan, qo’shni Pokiston kelajakdan xavotirda. Mintaqada jangarilar faollashishi muqarrar, chunki Afg’oniston armiyasi va politsiyasi ularga qarshu kurasha olmayapti, deydi Islomobod rasmiylari. 

Pokiston rasmiylarining bildirishicha, chegaradosh hududlarda Afg’onistondan kelayotgan qochoqlar ko’paygan. Ayni vaqtda Peshovar kabi chegaraga yaqin shaharlarga Afg’onistondan sarmoyalar oqimi oshgan. Bu esa afg’onlar yaqin kelajakda mamlakat ichidagi vaziyat yomonlashadi, deb ishonayotganidan dalolat beradi, deydi Islomobod rasmiylari.

Yaqinda AQShga tashrifi chog’ida Pokiston Tashqi ishlar vaziri Xina Rabboniy Xar Afg’onistonda hokimiyatni topshirish jarayoniga mas’uliyat bilan yondashish lozimligini ta’kidlab, xalqaro qo’shinlarni Afg’onistonni tark etishga shoshmaslikka chaqirdi.

U, shuningdek, so’nggi paytlarda chegaraning har ikki tomonida jangarilar faoliyati kuchayganiga e’tibor qaratdi. Pokistonda xudkush terrorchilar ko’paygan, minglab odamlar va harbiylar halok bo’ldi, dedi Rabboniy Xar.

Xavotirlarga sabab bo’layotgan yana bir voqelik – afg’on hukumatiga qarashli askarlar orasida xalqaro qo’shinlarga hujum qiluvchilarning uchrayotgani. Bu afg’on Milliy xavfsizlik kuchlari samaradorligini savol ostiga qo’ymoqda, dedi Pokiston Tashqi ishlar vaziri.   

“Chegaraning afg’on tarafida vaziyat bundan ikki yil oldingiga qaraganda ancha beqarorlashgan. Boz ustiga hukumat askarlarining xalqaro qo’shinlarga hujumlari ko’paygan. Bu amerikaliklarni qo’rquvga solsa, biz, pokistonliklarni ham tashvishlantiradi. Chunki bunday hujumlar afg’on milliy armiyasi va politsiyasi biz istagandek professional emasligidan dalolat beradi”, - dedi Xina Rabboniy Xar. 
   
Biroq Kobul rasmiylarining ishonch bilan aytishicha, 90-yillarda sovetlar mamlakatni tark etganidan keyin yuzaga kelgan vaziyat qayta takrorlanmaydi. Afg’oniston Savdo aloqalari vaziri muovini Muzammil Shinvariy mamlakatda siyosat, iqtisodiyot, xavfsizlik va inson huquqlari sohalarida jiddiy muvaffaqiyatlarga erishilganini ta’kidlaydi:

“Umidlarimiz katta, chunki hozirda mablag’larimiz va imkoniyatlarimiz bundan 10 yil oldingiga qaraganda ancha ko’p. Qo’shinlarimiz kuchaytirildi. Iqtisodiyot rivojlanyapti. Afg’onistonda taraqqiyot davom etishiga ishonamiz. Muammolar bo’lmaydi, degan umiddaman. 2014-yildan keyin ham Afg’oniston rivojlanadi”, - deydi u. 

Kobullik mustaqil tahlilchi Said Muhammad A’zamga ko’ra, 2014-yildan keyin Afg’oniston hukumatiga qarashli qo’shinlar ishi ancha qiyinlashadi. Biroq ular Tolibon jangarilariga qarshi kurashni uddalaydi, deydi u.
 
“Nazarimda, jangarilar bilan to’qnashuvlar davom etadi, biroq hozirgi hukumat ishini davom ettira oladi. Sovet Ittifoqi qo’shinlari chiqib ketganidan keyin Afg’oniston hukumati parchalanib ketganidek, bunisi ham parchalanadi, deyish noto’g’ri. Chunki 2015-yildan boshlab 10 yil davomida xalqaro hamjamiyat mamlakatga mablag’ ajratishda davom etadi. Bu esa milliy armiya va politsiya faoliyatini davom ettirish hamda taraqqiyot sohasidagi loyihalarni amalga oshirish imkonini beradi”, - deydi mustaqil tahlilchi.

AQShning Afg’onistondagi elchisi Jeyms Kanningam fikricha, rasmiy Kobul Tolibon bilan tinchlik muzokaralarini tezroq boshlashi kerak.
  
“Mintaqada barqarorlik va tinchlik o’rnatilishi uchun muzokaralarda hududning barcha davlatlari ishtirok etishi zarur. Bunga ishonchimiz komil. Biz nafaqat Pokiston, balki mintaqaning boshqa davlatlari bilan ham Afg’onistonda tinchlik o’rnatilishiga olib keladigan muzokaralarni olib boryapmiz”, - deydi AQSh rasmiysi.  


O’tgan yili Pokiston o’nlab toliblarni hibsdan ozod etdi. Kobul va Islomobod Tolibon bilan sulhga tayyorligini bot-bot tilga olmoqda. Ammo hozirgacha bu borada jiddiy muzokaralar boshlangani yo’q.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Markaziy osiyoliklar Koloradoda. 8-qism. Central Asian Dance Clubi
X
23.10.2014 10:59
O'zbek raqs san'atini dunyoga tanitishda sobiq raqqosalarning hissasi beqiyos. Toshkentlik Adelina Kaudinova mana uch yildirki, Denver shahrida bolalar va kattalarni sharqona raqslarga o'rgatadi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Ottava

  • Ottava

  • Ottava

  • Ottava

  • Ottava

  • Ottava

  • Ottava

  • Ottava

  • Ottava

  • Ottava

  • Stiven Xarper, Bosh vazir

Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.
Fotogalereya

Fotogalereya Shimoliy Koreya rahbari ommaga ko'rindi

Ikki oydan beri jamoatchilikka ko'rinmagan Kim Chen Unning yangi suratlari paydo bo'ldi. Ularni Shimoliy Koreya Markaziy Axborot Agentligi tarqatmoqda.

Interaktiv

SAYTGA KIRISHNING XAVFSIZ YO’LI