Juma, 31-oktyabr, 2014 Toshkent vaqti: 09:00

Xalqaro

Afg'onlar kelajak haqida nima deydi?

Kobul ko'chalarida
Kobul ko'chalarida

Multimedia

Audio
Amerika Ovozi
O’tgan 40 yil ichida afg’on zaminida qanday madhiyalar yangrab, qanday bayroqlar hilpiramadi deysiz. Siyosiy o’zgarish ketidan siyosiy o’zgarish. Tuzumlar, rahbarlar, mafkura va tashqi kuchlar. Ayni damda afg’onlardan kelajak haqida so’rasangiz, yana o’zgarish bo’ladi, albatta, deb javob qiladi. Lekin qanday o’zgarish?



“Amerika Ovozi” muxbiri Sheron Beyn Afg’onistonni shaharma-shahar kezib yuribdi. Qayerga bormang, deya xabar beradi u, o’rta sinf o’sayotganini ko’rasiz. Poytaxt Kobulda bu ayniqsa yaqqol ko’zga tashlanadi.
 
Shahardagi manzara kun sayin o’zgarib bormoqda. Xalq musulmon ekani, islomiy udumlar ustuvor ekani har yerda namoyon. Hayotdan xursand afg’onlar ko’p.
 
Sportga e’tibor oshgan. Stadionlar yoshlarga to’la, ular orasida qizlar ham bor.
 
O’zini Sarvar Sarvariy deb tanishtirgan yigit urushlar sabab xalqi zamondan orqada qolib ketganini aytadi. Oldinga siljish kerak, deydi u.
 
“Bouling maydonchalarini olaylik. Ularga bugun qizlar ham, yigitlar ham birdek qatnab, koptok otib bahra olishi mumkin. Bolaligimda bunday kunlar keladi deb hech o’ylamagan edim”. 
 
Lekin ertaga mamlakat bugungiga qaraganda tinchroq bo’ladimi? AQSh qo’shini chiqish arafasida ekan, kafolat yo’q.
 
“Hamma xavotirda. Qayerga borsangiz, hukumat idoralari, jamoat joylari, xonadonlar, har yerda odamlar shu haqda gapiradi. Tinch-totuv yashash azaliy orzumiz. Xalqimiz harakat qilmoqda, qattiq mehnat qilayapti. Arziymiz tinch yashashga”,- deydi Sarvar Sarvariy.
 
Kobulning badavlat mahallalarida to’ylar juda dabdabali. Shuncha mol-mulk qayoqdan kelayapti deb hayron bo’ladi odam. Bizneslar rivojlanayapti. Sarmoya oqimi yomon emas. Lekin bu mablag’ xalq farovonligi uchun xizmat qiladimi yoki kichik bir guruh undan boyiydi, xolosmi? Bu savolga javob topish qiyin.
 
O’tgan 40 yil ichida afg’onlar olti turlicha bayroq va madhiyaga ega bo’ldi. Har bir yangi rahbar buyuk va mustaqil kelajak va’da qildi. Hamma tuzumlar qonga botdi, xalqning topgani vayron bo’ldi. Millionlab odamlar qochqinga aylandi. Yuz minglab insonlarning yostig’i quridi. Inson qadri eng past jamiyat bizmiz, deya tan oladi ko’plab afg’onlar. 
 
Lekin ular shuni ham faxr bilan aytadiki, bugun xalq orasida bilimli, malakali, umidga to’la odamlar ko’paygan. Shaharlar kengaymoqda, uyali telefon asosiy aloqa vositasi. Internetga kirish osonlashgan. Mahalliy axborot vositalari, xalqaro telekanallar va radiolar ishlab turibdi. Informatsion bozor vujudga kelgan. Reklama yirik daromad manbaiga aylangan.     
 
Kobuldagi internet kafelaridaKobuldagi internet kafelarida
x
Kobuldagi internet kafelarida
Kobuldagi internet kafelarida
Siyosiy tahlilchi Umar Sharifiy deydiki, uning yurtida zo’ravonlik bilan hokimiyatga kelish bugun juda qiyin.
 
“Tuzumni ag’darib, rahbarni o’ldirib, hukumat tepasiga kelish – bugun bu jamiyatda qonuniy deb qabul qilinadigan holat emas. Xalq saylovlarga o’rgandi. Ular biladiki, rahbar saylanishi, omma fotihasini olishi kerak”,- deydi ziyoli. 
 
Siyosiy qarashlar yangilangani rost, ammo xotin-qizlarga munosabat hamon ayanchli. Ayol siyosatchilar ko’payib bormoqda, biroq bosim va kamsitishlardan shikoyat qilishadi. 
 
Kobuldagi eng gavjum joylardan biri balki mana bu billiardxona. Faqat erkaklar kira oladi xolos. “Amerika Ovozi” ning erkak muxbiri u yerga kirib, billiard o’ynayotgan tadbirkorlar bilan gaplashdi. Ulardan biri Yor Gul Nodir Sofiy kelajakdan ko’p narsa kutmayapti. 
 
“O’tgan ikki oy ichida suiqasd hujumlari, o’z-o’zini portlatish hollari yana ko’paydi. Tolibon hali ham har yerda xurujlar qilib yotibdi. Vaziyat yaxshilanayapti deyolmayman”, - deydi biznesmen.
 
Har bir daqiqa g’animat, bu mamlakatda ertaga nima bo’lishini hech kim bilmaydi. Odamlar faqat bugunni o’ylab yashashga o’rganib ketgan. O’tgan kuniga shukur qiladi, deydi Yor Gul Nodir Sofiy.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Quyosh energiyasi - Solar poweri
X
30.10.2014 22:03
Amerikada muqobil energiya manbalaridan foydalanishga o'tayotganlar ko'p. Xususiy kompaniyalardan tortib universitetlargacha, qolaversa oddiy fuqarolar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Qizil ko'knor ko'rgazmasi, London

  • Amerika saylovlar arafasida

  • Afina, Gretsiya... Harbiy mashqlar

  • Turkiya-Suriya chegarasi

  • Filippin

  • Jamna daryosi bo'yida, Hindiston

  • Fransiya

  • Kanzas shahri, Missuri

  • Los Angeles, Kaliforniya

Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.

Interaktiv

SAYTGA KIRISHNING XAVFSIZ YO’LI