Shanba, 01-noyabr, 2014 Toshkent vaqti: 16:40

Tabiat

Qishloq xo'jaligi va iqlimdagi salbiy o'zgarishlar

Amerika Ovozi
Qishloq xo’jaligi iqlim o’zgarishi sababchilaridan biri etib ko’rsatiladi. Tez-tez kuzatilayotgan tabiiy ofatlardan eng ko’p aziyat chekayotgan soha ham shu. Yangi hisobotga ko’ra, agar qishloq xo’jaligi sohasida tegishli islohotlar qilinsa, tabiatga zarar yetkazmasdan oziq-ovqat ishlab chiqarish hajmini oshirish mumkin. 


Qurg’oqchilik, suv toshqinlari, bo’ronu-to’fonlar… bular global iqlim iliqlashuvi bilan bog’liq deb ko’riladi. Tabiiy ofatlar qishloq xo’jaligiga katta ziyon yetkazmoqda.

2012-yil yozida AQShning ko’pgina qismlarida kuchli qurg’oqchilik kuzatildi. Kuzda “Sendi” dovuli sohilbo’yi shtatlarga katta talofat keltirdi. O’tgan yillar ichida qurg’oqchilik sabab Afrika qit’asida gumanitar inqiroz yanada chuqurlashdi, Rossiyada esa ekinlar barbod bo’lib, don eksporti vaqtincha to’xtadi. 

Kelajakda bunday holatlar yanada ko’payishini kutavering, deydi bir ovozdan mutaxassislar.

Food Tank nomli tadqiqot markazi asoschisi va “Barqaror qishloq xo’jaligida innovatsiya” mavzuidagi hisobot mualliflaridan biri Daniel Nirenberg deydiki:

“Iqlim o’zgarishida qishloq xo’jaligining hissasi katta, chunki bu sohani yuritish
ancha resurs talab qiladi. Atmosferani bulg’ayotgan gazlarning 25-30 foizi aynan qishloq xo’jaligidan keladi. Turli o’g’itlar, pestisidlar va boshqa kimyoviy moddalar, mahsulotni tashiydigan transport, hammasi neft va gazda ishlaydi”.

Xususan, chorvachilikning atrof-muhitga ta’siri jiddiy.

“Braziliya, Xitoy va Hindiston kabi mamlakatlarda go’sht iste’moli oshgan sari qoramol fermalari, mahsulot ishlab chiqaradigan korxonalar ham ko’paymoqda. Hammasiga yonilg’i, transport vositalari zarur. Demak, iqlimga ta’siri ham katta”, - deydi olim.

Hisobotga ko’ra, tabiatni parvarishlagan holda sayyoraning o’sayotgan aholisini yetarli oziq-ovqat bilan ta’minlash mumkin. Buning uchun yer va ob hayotga munosabat o’zgarishi, daraxtlar ekilib, o’rmonzorlar kengayishi kerak. Bu bilan havo tozaligini saqlab, ayni vaqtda yovvoyi hayvonlarni ham himoya qilgan bo’lamiz, deydi mutaxassis.

Yer hosildorligini oshirish uchun esa ekinni almashtirib ekish tavsiya qilinadi. Shuningdek, shaharlarda dehqonchilik amaliyotini rag’batlantiraylik, deydi Nirenberg. Suvni tozalab qayta ishlatish, dalalarni tomchilab sug’orish, yomg’ir suvlaridan foydalanish ham tahlil mualliflari berayotgan tavsiyalar sirasiga kiradi.

Innovatsiya, ya’ni yangi uslublarni qo’llash orqali iqlim o’zgarishi ta’sirini kamaytirish mumkin, deyiladi hisobotda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI