Juma, 31-oktyabr, 2014 Toshkent vaqti: 10:29

Siyosat

Jazoirda garovdagilar holi nima kechdi?

Hindiston, pokistonlik konchilar Jazoirdan evakuatsiya qilinmoqda.
Hindiston, pokistonlik konchilar Jazoirdan evakuatsiya qilinmoqda.

Multimedia

Audio
Amerika Ovozi
Jazoir dashtida jangarilar garovga olgan o’nlab odamlar taqdiri noma’lum qolmoqda. Kecha Jazoir harbiylari Ain Amenas zavodiga hujum qilib, xorijlik va mahalliy bir necha ishchini ozod qilgani aytiladi. Biroq tutqunlar va jangarilar orasida o’lganlar bor.
 
Chet el hukumatlari reyd haqida oldindan ogoh qilinmagan va xorijlik 41 ishchining holini aniqlash harakatida. To’rt nafari, xususan, uch yapon va irlandiyalik sog’-omon ekani ma’lum.
 
Garovdagilar orasida Amerika, Yaponiya, Norvegiya, Ruminiya, Filippin, Britaniya, Fransiya, Malayziya va Avstriya fuqarolari bor. Jazoir davlat matbuoti xabariga ko’ra, reyd paytida mahalliy 600 xodim qo’yib yuborilgan.
 
Uch kun oldin al-Qoidaga aloqador ekani aytilayotgan guruh inshootga bostirib kirgan, Fransiyaning Malidagi harbiy operatsiyasiga javob bu, degan edi. Jazoir armiyasi zavodni qurshovga olib, jangarilar bilan muzokaraga kirib o’tirmay hamlaga o’tgan va G’arb yordamini qabul qilishdan bosh tormoqda.
 
Mali armiyasi Fransiya va qo’shni davlatlar zobitlari yordamida jangarilar bilan olishishda davom etib, bugun markazdagi Konna shahrini qayta qo’lga olgan. Mali rasmiylarining aytishicha, olishuvda isyonchilar qattiq talofat ko’rgan.
 
Ekstremist kuchlar o’tgan hafta aynan Konnani bosib olgach, Fransiya o’z sobiq mustamlakasiga qo’shin kiritishga majbur bo’lgan edi.

Hukumat avval ham shaharni jangarilardan tozalaganini ma’lum qilgan edi, lekin xorij ommaviy axborot vositalari faoliyati cheklangani bois buni mustaqil tarzda tasdiqlash mumkin emas.
 
Fransiya va G’arbiy Afrika zobitlarining bir haftalik bosimi ish berib, shimolda faol al-Qoidaga aloqador kuchlar chekingan, lekin ular avval o’ylanganidan puxtaroq qurollangani aytiladi. Diabali shahrida kecha fransuz askarlari va ekstremistlar o’rtasida shiddatli janglar kechgani ma’lum. Hozir Malida 1400 fransuz harbiysi bor.
 
Amerika g’arblik zobitlarni va qurol-aslahani manzilga eltishga yordam berishga rozi, ammo Vashington o’zi Maliga askar yuborish niyati yo’q.
 
Chegara bilmas shifokorlar mamlakatda oddiy aholi xavf ostida ekani, olovli nuqtalarga dori-darmon yetkazish qiyin ekanini bildiryapti. Xususan, beqaror Konna shahriga kirish-chiqish yopib qo’yilgan.

Malidagi mojaro:

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Quyosh energiyasi - Solar poweri
X
30.10.2014 22:03
Amerikada muqobil energiya manbalaridan foydalanishga o'tayotganlar ko'p. Xususiy kompaniyalardan tortib universitetlargacha, qolaversa oddiy fuqarolar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Qizil ko'knor ko'rgazmasi, London

  • Amerika saylovlar arafasida

  • Afina, Gretsiya... Harbiy mashqlar

  • Turkiya-Suriya chegarasi

  • Filippin

  • Jamna daryosi bo'yida, Hindiston

  • Fransiya

  • Kanzas shahri, Missuri

  • Los Angeles, Kaliforniya

Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.

Interaktiv

SAYTGA KIRISHNING XAVFSIZ YO’LI