Uni kim va nima uchun nishonga olgani, Qirg’iziston va qo’shni O’zbekistondagi adolatsizliklar, repressiya va qonunbuzarlik haqida o’tkir maqolalar yozib tanilgan, jasur va serga’yrat bu yigitning joni kimlarga kerak bo’lgani xususida ko’plab taxmin va isbot-dalillar mavjud.
Ammo adolat haligacha qaror topmadi. Bir necha tergov ishlari ochildi, bir shaxs qotillikda aybdor deb topilib uzoq yillik qamoq jazosiga mahkum etildi. Lekin Alisher Soipovning oilasi nazarida asl qotil u emas.
Soipovlar o’zlari mustaqil holda tekshiruv ishlari olib borgan va yig’ilgan ma’lumotlarga asoslanib, Qirg’iziston hukumatidan yangi tergov boshlab, adolatni ta’minlashni talab qilmoqda. Biroq bugungacha biror yangilik yo’q.
Alisher Soipovning oilasi adolatdan umidini uzmagan. Zulayho, Alisherning qizi, hozir besh yoshda. (Suratni ustiga bossangiz kattalashadi)
Alisher Soipov “Amerika Ovozi” ning Markaziy Osiyodagi jamoatchi muxbirlaridan biri edi.
Jurnalist uzatgan har bir material “Amerika Ovozi” muxlislari tomonidan chuqur qiziqish va e’tibor bilan o’qilar va tinglanar edi.
Alisher biz uchun mintaqadagi nozik mavzularni yoritib yurgan qo’rqmas hamkasb edi. Qirg’iziston fuqarosi va o’zbek ekani bilan birdek faxrlanib yashayotgan 26-yoshli inson edi u.
Va balki eng muhimi, Alisher bir mag’rur va jafokash ota-onaning o’g’li, to’rt ukaning jigari, yosh bir kelinning turmush o’rtog’i va uch oylik qizaloqning otasi edi.
Shohruh Soipov, Alisherning ukalaridan biri, “Amerika Ovozi” bilan dildan suhbatlashib, oila boshdan kechirgan fojia va jurnalist qoldirgan meros haqida gapirib berdi.
Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.
Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.
