Breaking News

Bag'dodiy amerikalik asirani bot-bot zo'rlagan


Kayla Muller 2013-yilda Suriyada olib qochilgan edi.
Kayla Muller 2013-yilda Suriyada olib qochilgan edi.

Amerika matbuotining yoritishicha, Suriyada "Islomiy davlat" deya tanilgan jangari guruh asirasi, amerikalik Kayla Mullerni o'limidan oldin jangarilar sardori bot-bot zo'rlagan.

Matbuot Mullerning ota-onasi va AQSh rasmiylariga asoslanib xabar beradi.

Jangarilar rahbari Abu Bakr al-Bag'dodiy Mullerning nomusiga tekkan, qiynagan, uni qul qilib ishlatgan.

Bu ma'lumot al-Bag'dodiyning qo'liga asirga tushgan va qochishga muvaffaq bo'lgan yazidiy qizlarning ko'rsatmasiga asoslanmoqda.

Kayla Muller 2013-yuilning avgustida Suriyaning Halab shahrida olib qochilgan edi. U avval mintaqada insonparvarlik ishlarida yordam berish bilan band edi.

Chegara bilmas shifokorlarga yordam berib, uyiga qaytayotganida o'g'irlangan.

Jangarilarning ta'kidlashicha, u fevralda Iordaniya harbiy samolyotlari amalga oshirgan havo hujumida jon bergan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG