Juma, 25-iyul, 2014 Toshkent vaqti: 02:41

Huquq va qonun

"Amparo": Tojikiston ahlining huquqiy bilimini oshirganimiz uchun nishondamiz

O'z huquqingni bil! Qishloq o'rta maktablarida "Amparo" o'tkazayotgan navbatdagi tadbir... Yuqori sinf o'quvchilariga huquqiy bukletlar tarqatilmoqda.
O'z huquqingni bil! Qishloq o'rta maktablarida "Amparo" o'tkazayotgan navbatdagi tadbir... Yuqori sinf o'quvchilariga huquqiy bukletlar tarqatilmoqda.

Multimedia

Audio
“Amparo” nodavlat tashkiloti yetti yildan beri Tojikistonda omma, ayniqsa yoshlar huquqiy bilimini oshirish borasida faoliyat olib boradi. Yaqinda bu muassasa yopilsin degan buyruq chiqdi. Sabab, deydi "Amparo" xodimlari, "ishimizning hukumatga yoqmagani". Prokuraturaga ko'ra esa bu muassasa ma'muriy qonunlarni buzgan. Masalan, Xo'janddagi manzili yangilanganda hukumatni bunday ogoh qilmagan va yangi tadbirlar o'tkazganda maxsus ruxsat olmagan. "Amparo" bu ayblar asossiz deydi, sudga biror isbot-dalil ko'rsatilmagan.  

Tashkilotga “Amparo” nomi bejiz tanlanmagan bo’lib, ispan tilida bu - himoyachi, ko’mak, sarpanoh singari ma’nolarni beradi.
 
Amerika yuristlar uyushmasi programmasi asosida bilim olgan eng faol huquqshunoslar tashabbusi bilan tashkil etilgan “Amparo” fuqarolarning siyosiy, iqtisodiy, ijtimoiy, madaniy huquq va erkinliklarini himoya etish hamda demokratik va huquqiy davlat qurish asoslarini mustahkamlash yo’lida harakat qilib keladi.
 
Yosh huquqshunoslar o’zlari asos solgan nodavlat tashkilotining majburiy ravishda sud qarori bilan barham berilishiga xalqaro yuridik tamoyillar asosida baho berilishi va adolat tiklanishi uchun kurash boshlagan.  
 
Ularni dunyo bo’ylab taniqli huquqbonlar qo’llab quvvatlamoqda. Ular orasida Moskva Xelsinki guruhi, shuningdek, Ukraina, Armaniston, Ozarbayjon, Qirg’iziston va Gruziyadagi huquq tashkilotlari bor.

Polsha, Albaniya, AQSh, Germaniya, Norvegiya va hatto Belarusdagi huquqshunoslar "Amparo"ni himoyalab, Tojikiston hukumatini BMT va Yevropada Xavfsizlik va Hamkorlik Tashkiloti oldidagi huquqiy majburiyatlarini bajarishga, sud mahkamasining g’ayrioddiy hukmini bekor qilishga chaqirmoqda.
 
"Amparo" yosh mutaxassislari nazarida Tojikiston hukumati va mahkamalari olib borayotgan harakat xalqaro qonunlarga zid. 

Jahondagi yirik xalqaro tashkilotlarga a’zo bo’lar ekan, Tojikiston jamoatchilik birlashmalari erkinligi va daxlsizligini ta’minlash majburiyatini olgan, huquqbonlar alohida e’tiborga molik va hukumat tomonidan ta’qib etilmasligi kerak, deya bildiradi "Amparo".

Tashkilot xalqning huquqiy-siyosiy bilimini oshirmoqda, bu esa jamiyat taraqqiyoti uchun xizmat qiladi. Hukumat "Amparo"ga tahdid manbai sifatida qaramoqda, chunki odamlar ko'proq bilgani sari mavjud tuzumni ham ko'proq savolga tutishi mumkin, deydi mutaxassislar.

"Amparo" faoliyati suratlarda:

  • Yoshlar orasida inson haqlari borasida treninglar o'tkazish Amparoning asosiy ish faoliyatlaridan biri sanaladi.
  • Trenerlar, Amparo faoli Dilafro'z Samadova hamda Jenevadagi Qurolli kuchlar ustidan demokratik nazorat Markazi (DSAF) eksperti Mindiya Vashakmadze.
  • Tashkilot ustidan sud mahkamasi, sudyalar maslahat uchun tanaffus e'lon qilgan palla.
  • Sug'd viloyat harbiy komissariyati binosi darvozasida harbiy safarbarlik davrida mana shunday ko'rinich takrorlanadi, ota-onalar, aka-ukalar jigargoshalarini so'nggi marta ko'rib qolishga urinishadi.
  • Shahar va nohiyalar istirohat bo'glarida dam olish kunlarida odam savdosiga qarshi o'tkazilgan tadbirlar har doim ana shunday gavjum bo'lgan.
  • Shahar istirohat bo'gi yo'zgi kinoko'rsatuv pavilionida Amparo huquqiy hujjatli film namoyishidan so'ng yoshlar o'z fikrlarini bildirishmoqda.
  • O'z huquqingni bil! Qishloq o'rta maktablarida Amparo o'tkzayotgan navbatdagi tadbir ana shunday nomlanadi. Yuqori sinf o'quvchilariga huquqiy bukletlar tarqatilmoqda.
  • O'rta maktabda yoshlar huquqi borasida o'tkazilayotgan mashg'ulot lahzasi.
  • Mustaqil SM-1 telekanalida harbiy xizmatchilarga imtiyoz va tovonlar mavzusida o'tkazilgan tok-shou lahzasi.
  • Men odam savdosiga qarshiman! Amparo o'tkazgan navbatdagi aksiya ana shunday nomlandi.
  • Maktablarda o'smirlar huquqi mavzusida Amparo o'tkazayotgan tadbirlar o'quvchilargina emas, ularning ota-onalariga ham manzur.
  • Mahalliy telestudiyalar, hukumat va ichki ishlar boshqarmasi vakillari ishtirokida o'tkazilayotgan navbatdagi tadbir shaharliklarni o'ziga jalb qildi.
  • Jeneva, BMT qiynoqlarga qarshi qo'mitasi raisi Klaudio Grossman va uning o'ng tomonida Amparo faoli Dilafro'z Samadova.
  • Amparo seminarlari harbiylar uchun ham qiziqarli
  • Huquqshunos Dilshod Jo'rayev va Suhrob Sobirovlar navbatdagi loyiha ustida ish olib bormoqda.
  • Farg'ona vodiysi - tinchlik vodiysi shiori ostida o'tkazilgan qishki tadbirda elektr tanqisligi sabab noutbukdan foydalanildi.
  • Yetimlar uchun o'tkazilgan "Orzular gullaydi" deb nomlangan tadbirda yosh huquqshunoslar go'daklarga yangi yil oldidan sovg'a hozirlashmoqda.
  • Yetim va mayib bolalar uchun yangi yil tadbiri o'tkazish va sovg'alar ulashish Amparo o'tkazayotgan xayriya ishlaridan biridir. Amparo faoli etimxonada Qorbobo bo'lib sovg'a ulashmoqda.
  • Bahorgi harbiy chaqiriq, yoshlarni harbiy xizmatga kuzatishmoqda.
  • Amparoning resurs Markazi kutubxonasida hozir ham qiziquvchialrni uchratish mumkin.
  • Amparochilar shahar ko'chlarida vaqt vaqti bilan huquqiy informasion aksiyalr o'tkazib, yoshlarga turli xil varaqalar tarqatishadi.
  • Amparo tashkil etgan tadbirda Tojikiston hukumatiga muxollif demokratik partiya Sug'd viloyat bo'limi raisi Fayzullo Fayziev o'z noroziligini bildirmoqda.
  • Amparo raisi, yosh huquqshunos Dilrabo Samadova So'g'd viloyat o'zbeklar ma'naviyat va ma'rifat markazi uchun huquqiy kitoblar ajratdi.
  • Amparo poytaxt Dushanbeda respublika qonunchiligi mavzusida mana shunday katta tadbir o'tkazdiki, unda obro'li xalqaro tashkilotlar vakillari ham ishtirok etishdi.
  • Amparo ofisida yoshlarga tekin internet, kompyuter kusrlariga o'qitish yo'lga qo'yilgan. Ayni damda tshkilotni tugatish prosessi borayotganligi uchun bu xonada o'smirlar oz.
  • Amparo ofisida yosh rassomlar va fotograflar ko'rgazmasi
  • Amparo maktab o'quvchilari orasida vatanparvarlik mavzusida o'tkazgan yosh rassomlar ko'rgazmasi
  • Amparo huquqshunosi Dilshod Jo'rayev mahalliy radioda eshittirish olib bormoqda
  • Amparo himoyachisi, poytaxtdan tashrif buyurgan oqlovchining da'vogar bilan bahslashuvi jurnalistlar uchun yangi manba hisoblanadi.
  • Amparo faollari Tojikistonda inson huquqlari mavzusida siyosiy partiyalar, nodavlat tashkilotlari va jurnalistlar bilan diksussion klub o'tkazmoqda.
  • Amparo faollari nohiyalarga chiqishganda velosipeddan foydalanishadi, ham salomatlikkka foyda, ham tejamkorlik.
  • Amparo faoli sud mahkamasi davomida mahalliy mustaqil telestudiyalarga sharh bermoqda.
  • 2012-yilning noyabri, Xo'jand shahar sudi binosi oldida da'vogar vazirlik vakili mustaqil jurnalistlar bilan suhbatlashmoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
G'azoda tinch aholi orasida qurbonlar oshmoqdai
X
24.07.2014 12:14
Uch haftadirki, Isroil G’azoga raketa yog’dirishda davom etmoqda. Falastinliklar orasida o’lganlar soni 600 dan oshgan. Aksariyati oddiy fuqarolar, ayollar va bolalar. Isroil tomondan esa qurbonlar 30 ga yaqinlashgan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Samolyotda halok bo'lgan yo'lovchilarning yaqinlari Tayvanning Pengu orolida tashkil etilgan motam marosimida, 24-iyul, 2014-yil.
  • Samolyotda halok bo'lgan yo'lovchilarning yaqinlari Tayvanning Pengu orolida tashkil etilgan motam marosimida yig'lamoqda, 24-iyul, 2014-yil.
     
  • Samolyotda halok bo'lgan yo'lovchilarning yaqinlari Tayvanning Pengu orolida motam marosimiga tayyorlanmoqda, 24-iyul, 2014-yil.
     
  • Qutqaruvchilar samolyot halokati o'rnini tekshirmoqda, Pengu oroli, Tayvan, 24-iyul, 2014-yil.
Fotogalereya

Fotogalereya Tayvanda samolyot qulashi oqibatida 48 kishi halok bo'ldi

"TransAsia" havo yo'llariga qarashli samolyot yomon ob-havo tufayli Tayvanda qulab tushgan. Samolyot bortidagi 48 kishi halok bo'lgan, 10 kishi yaralangan. Halokat yerida yana besh kishi jarohatlangani aytilmoqda.
Fotogalereya

Fotogalereya BMT Xavfsizlik kengashi G'azoda otishmani zudlik bilan to'xtatishga chaqirdi

BMT Xavfsizlik kengashi Isroil va XAMASni o'zaro otishmani zudlik bilan to'xtatishga chaqiruvchi qaror qabul qildi. G'azoda ikki haftadan beri davom etayotgan havo hujumlarida 500 dan ziyod falastinlik halok bo'lgan, Isroil tomonidan esa bir necha askar o'lgan.
Fotogalereya

Fotogalereya Kunning suratlari - 20-iyul, 2014-yil

Kunning muhim voqealari va dunyoning turli burchaklaridagi manzara suratlarda.
Fotogalereya

Fotogalereya O'zbekistonlik ustalar Santa Fe xalqaro festivalida

Amerikaning Nyu-Meksiko shtatidagi Santa-Fe shahrida har yili o’tadigan usta hunarmandlar festivali (Santa Fe International Folk Art Market) nufuzli davra hisoblanadi. Unga taklif qilingan chevar, kashtado’z yoki sozandaning ijodi so’zsiz tan olinadi. Qaysi davlatda bo’lmasin ularning mahsuloti darrov qo’lma qo’l bo’lib ketadi. Bu yilgi yarmarkada O’zbekistondan 25 kishi qatnashdi - eng katta jamoalardan biri. 11-13-iyul kunlari o’tgan tadbirda ustalar bir-biri bilan tanishdi, tajriba almashdi, mahsulotini sotdi, yangi xaridor va hamkorlar topdi va vatanga daromad bilan qaytdi. Bu esa, deydi hunarmandlar, yangi imkoniyatlarga yo’l ochadi. Yangi ish o’rinlari, ta’lim dasturlari, mustaqil faoliyat, erkin nafas va yurt taraqqiyoti uchun hissa degani bu.
Fotogalereya

Fotogalereya MH17 - Ukraina osmonida urib tushirilgan samolyot qoldiqlari va bugungi manzara

Ukraina hukumati Rossiyani ikki kun oldin Donetskda urib tushirilgan yo’lovchi samolyot qoldiqlari orasidan ashyoviy dalillarni yo’q qilishda separatistlarga yordam berayotganlikda ayblamoqda. Malayziya havo yo’llariga tegishli samolyot ichida 298 odam bo’lgan. Hammasi o’lgan. AQSh hukumatining tasdiqlashicha, samolyot yerdan nishonga olingan.
Fotogalereya

Fotogalereya Isroil piyoda kuchlari G'azoda hujumlarni davom ettirmoqda

8-iyulda boshlangan operatsiyada hozirgacha 300 dan oshiq falastinlik o’lgan. Uch kundirki, Isroil kuchlari G'azo sektorida yuzlab manzillarni o'qqa tutmoqda.
Fotogalereya

Fotogalereya Dunyo ahli Ukrainadagi fojeadan dahshatda, 295 odam halok bo'lgan

Yo'lovchilardan 173 nafari Niderlandiya, 44 kishi Avstraliya, 12 odam Indoneziya, shuningdek, Britaniya, Germaniya, Belgiya, Kanada, Yangi Zelandiya va Filippin fuqarolaridir. AQSh razvedka agentliklarining tasdiqlashicha, samolyot raketa bilan urib tushirilgan va aynan Ukraina sarhadidan turib nishonga olingan. Samolyot havoda portlagan. Ukraina qurolli kuchlari bunday vositaga ega emas, deydi Amerika rasmiylari. Gumon shuki, samolyotni o'qqa olganlar - rusparast bo'lginchilar.
Fotogalereya

Fotogalereya AQShga noqonuniy kirib kelayotgan muhojir bolalar

AQShning janubiy chegaralarida noqonuniy muhojirlar muammosi gumanitar inqiroz sifatida baholanmoqda. Chegarani kesib o'tganlar orasida 50 mingdan ortiq voyaga yetmagan bola bor. Ular mahalliy va federal hukumat uchun yangi muammolarni keltirib chiqarmoqda.
Fotogalereya

Fotogalereya Ukrainada Malayziya samolyoti quladi

Boeing-777 samolyoti 280 yo'lovchi va 15 ekipaj a'zolari bilan Amsterdamdan Kuala Lumpurga uchayotgan bo'lgan. Ukraina hukumati va isyonchilar bir-birini ayblamoqda.

Interaktiv

SAYTGA KIRISHNING XAVFSIZ YO’LI