Juma, 24-oktyabr, 2014 Toshkent vaqti: 18:26

Huquq va qonun

Azimjon Asqarov BMTdan madad so'ramoqda

Azimjon Asqarov bir umrlik qamoq jazosiga mahkum etilgan
Azimjon Asqarov bir umrlik qamoq jazosiga mahkum etilgan
Amerika Ovozi
Qirg'izistonda bir umrlik qamoq jazosiga mahkum etilgan o'zbek faoli Azimjon Asqarov BMT Inson huquqlari qo'mitasidan yordam so'ramoqda. 

Mahbusning advokatlari bugun bu borada ariza topshirgan. Asqarovning himoyachisi Nurbek Toktakunov Ochiq Jamiyat Institutining Adolat Tashabbusi nomli guruhi bilan hamkorlikda 115 betlik shikoyatnoma tayyorlagan.

Hujjatda qayd etilishicha, Asqarov begunoh va soxta ayblovlar bilan qamoqda o'tiribdi. Sud jarayoni biror xalqaro me'yorlarga javob bermagan, asl guvohlar tinglanmagan va Qirg'iziston hukumati haqiqatni bila turib adolatni ta'minlamayapti.

"Birlashgan Millatlar Tashkilotiga murojaat qilishimning sababi Qirg'izistonda qonun ustuvor emas. Rahbariyat konstitutsiyani chetga surib qo'ygan, unga amal qilmaydi",- deyiladi shikoyatnomada.

"Men aybsiz hibsga olingan, qiynoqqa solingan va adolatsiz sud oqibatida panjara ortida o'tirgan ko'plab insonlardan biriman",- deya yozadi Asqarov.

BMT Inson huquqlari qo'mitasi 18 ekspertdan iborat maxsus organ bo'lib, yilda uch marta yig'iladi. Bahorda Nyu-Yordagi bosh qarorgohda, yoz va kuzda esa Jenevada. Muhokamada jahon bo'ylab huquqqa doir ahvol, shuningdek, a'zo davlatlar fuqarolaridan tushgan shikoyatnomalar ko'rib chiqiladi. Oxirgi uchrashuv 15-oktabrdan 2-noyabrgacha Jenevada kechgan.

Yaqinda Azimjon Asqarov Nyu-Yorkda asoslangan tashkilot, Jurnalistlarni himoya qiluvchi xalqaro qo'mita (Committee to Protect Journalists) tomonidan yuksak sovrin bilan taqdirlangan edi. 

U 2010-yil iyun voqealari ketidan hibsga olinib, Jalol-Obod viloyatining Bozor-Qo'rg'on tumanida bir militsionerning o'limida va bir nechtasiga tan jarohati yetkazganlikda hamda qurol saqlaganlik, garovga olishga harakat qilganlik va etnik adovat qo'zg'atganlikda aybdor deb topilgan. 2011-yil dekabrida Oliy Sud uning ishini qayta ko'rib chiqib, hukmni o'z kuchida qoldirgan.

Jurnalistlarni himoya qiluvchi xalqaro qo'mita nazarida esa, Azimjon Asqarov begunoh qamoqda o'tiribdi.

Tashkilot tahlilicha, sudda keltirilgan dalillarning birortasi pichoqqa ilinmaydi, ko'rsatmalar qiynoqlar ostida olingan, ayblovlar soxtalashtirilgan.

"Azimjon Asqarovning yolg'iz aybi korrupsiyaga botgan huquq-tartibot organlari xodimlari va ba'zi rasmiylarning ikki yil burungi etnik qirg'indagi harakatlarini fosh etganida", - deyiladi qo'mita bayonotlarida.

Asqarovga qarshi sudda na ashyoviy dalil, na mustaqil guvohlar ko'rsatmalari taqdim etilgan. Haqiqiy guvohlar esa qo'rquvdan sukut saqlashga majbur, deydi himoyachilar.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Cho'ldan o'taman deb o'layotganlar - AQSh-Meksika chegarasi - Death by Desert Crosssingi
X
24.10.2014 11:59
AQSh va Meksika o'rtasidagi chegara 3200 kilometrga teng. Har yili uni minglab odam noqonuniy ravishda kesib o'tishga harakat qiladi. Ko'plar uchun bu xatarli safar o'lim bilan barobar. Asosiy sabab - cho'lda suvda yo'q.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.
Fotogalereya

Fotogalereya Shimoliy Koreya rahbari ommaga ko'rindi

Ikki oydan beri jamoatchilikka ko'rinmagan Kim Chen Unning yangi suratlari paydo bo'ldi. Ularni Shimoliy Koreya Markaziy Axborot Agentligi tarqatmoqda.

Interaktiv

SAYTGA KIRISHNING XAVFSIZ YO’LI