Payshanba, 02-oktyabr, 2014 Toshkent vaqti: 13:24

Markaziy Osiyo

Qirg'izistonda Markaziy Osiyoning eng katta masjidi quriladi

Qirg’izistonning Qora-Suv shahrida qurilishi rejalangan masjid Markaziy Osiyoda eng kattasi bo’ladi. Hozir mamlakatda 2500 ga yaqin masjid bor va ular safiga har yili o’nlab yangilari qo’shilmoqda.



O’sh viloyatining Qora-Suv shahridagi imoratda madrasa va dinshunoslik kulliyoti joylashadi.

Mustaqillik yillarida o’lkada bunday muassasalar soni bir necha yuz barobar ko’paygan. 2012-yilning o’zida bir nechasi eshiklarini ochdi.

Prezident qoshidagi din ishlar bo’yicha davlat komissiyasi rasmiysi Qurbonali Uzaqovning aytishicha, yangi masjidlar aholi ehtiyojiga ko’ra qurilmoqda.
 
“Bular xalq va homiylarning mablag’i evaziga qurilmoqda. Eng asosiysi, Allohning uyi bo’lmish masjid bo’sh bo’lmasligi kerak, gavjum bo’lishi lozim”, - deydi u.
 
Jalol-Obod shahridagi “Islom ta’limi markazi” nomli jamoat jamg’armasi rahbari Dilmurod hoji O'rozov masalaning iqtisodiy tomonini ham o’ylaydi.
 
“Bunaqa katta masjidlar qurganimiz bilan binolarni saqlash va faoliyatini ta’minlash bilan bog’liq xarajatlarni topish nima bo’ladi? Eshitishimcha, Rossiyaning Surgut shahrida bir masjid qurilgan ekan. Inshootni qishda isitishning o’ziga oyiga 16 ming dollar to’lanar ekan. Bizda ham shunday sovuq qishlar bo’lyapti. O’shanda binolar qanday qilib isitiladi?” - deydi O'rozov.
 
Mutaxassislar masjidlar hisob-kitob bilan qurilishi, bunda davlat normalariga rioya qilinishi zarurligini aytadi.

Uzaqov so'zlariga ko’ra, davlat organlari bu masalada qat’iy turishi kerak.
 
“Mahalliy davlat tizimlari qurilishni nazorat ostiga olishi darkor. Hukumatning maxsus qarori bor. Masjidlar orasidagi masofa, zaruriyat va boshqalar nazarga olinishi lozim”, - deydi mulozim.
 
Rasmiy ma’lumotlarga ko’ra, yirik masjidlarning aksari xorijiy homiylar ko’magida qurilmoqda. Mahalliy kuzatuvchilar nazarida diniy tashkilotlarning ko’payishi aholining diniy savodxonligida jiddiy o’zgarish yasamayapti.
 
“Savodxonlikning o’sishi imomlarning saviyasiga ham bog’liq. Aytaylik, janubiy Qirg’izistonda imomlarning 70-80 foizi maxsus bilimga ega emas. Yaqinda prezident apparatida diniy konfessiyalar faoliyatini yaxshilash borasida choralar qabul qilindi. Unda, jumladan, diniy ta’lim haqida so’z yuritildi. Din arboblarining savodini, malakasini ko’tarish eng dolzarb masalalardan biri bo’lib qolmoqda”, - deydi Qurbonali Uzaqov.
 
Dilmurod hoji O'rozov masjidlar orasidagi qarama-qarshilik, bo’linish hollaridan tashvishda.

“Imomlarga ko’p narsa bog’liq. Salafiy bo’lsa, hamma salafiylar o’sha masjidga to’planib oladi, hizbiyni qo’llaydigan imom kelsa, barcha hizbiylar o’sha yerga yig’iladi, ya’ni bo’linish katta ketyapti. Keyin ular bir-biriga tosh ota boshlaydi”, - deydi hoji.
 
Qirg'iziston janubida e'tiqod va ibodat:


Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQSh: oziq-ovqat va tirikchilik US/Food Aidi
X
01.10.2014 21:37
AQSh Qishloq xo’jaligi vazirligining xulosa qilishicha, otgan yili 17 million odam, ya’ni har yetti amerikalikdan biri to’yib ovqat yemagan. 2008-yildan buyon bu raqam o’zgarmay keladi. Moliyaviy inqiroz tugab, iqtisodiy o’sish kuzatilayotganiga qaramay, Amerikada kambag’allar kamaymayapti.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Ashraf G'ani( markazda) prezidentlikni qabul qilib olish marosimiga kelmoqda, 29-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Abdulla Abdulla bosh vazirlik lavozimini qabul qilib olish uchun tantanali marosimga tashrif buyurmoqda, 29-sentabr, 2014-yil.

  • Sobiq prezident Hamid Karzay o'z lavozimini Ashraf G'aniga topshirish uchun tantanali marosimga tashrif buyurmoqda, 29-sentabr, 2014-yil.

  • Ashraf G'ani (chapda) prezident sifatida qasamyod keltirmoqda, 29-sentabr, 2014-yil.

  • Prezident sifatida qasamyod keltirgan Ashraf G'ani Afg'oniston Oliy sudi raisi Abdul Salom Azimiy bilan qo'l berib ko'rishmoqda, 29-sentabr, 2014-yil.

Fotogalereya

Fotogalereya Ashraf G'ani - Afg'onistonning yangi prezidenti

Uzoq davom etgan saylov mashmashasidan so'ng Ashraf G'ani Afg'onistonning yangi prezidenti deb e'lon qilindi. Saylovda unga qarshi kurash olib borgan Abdulla Abdulla, o'zaro siyosiy kelishuvdan so'ng, yangi hukumatning bosh vaziri etib tayinlandi. Yangi hukumat ishga tushishi bilan Hamid Karzay davrida AQSh bilan tuzilgan xavfsizlik bitimini imzoladi.
Fotogalereya

Fotogalereya Gonkongda norozilik namoyishlari

Gonkong politsiyasi ko'zdan yosh oqizuvchi gaz qo'llab, namoyishchilarni tarqatishga urinishiga qaramay, aholi ko'chalarni tark etmayapti. Ular Pekinning siyosiy islohotni cheklashga qaratilgan choralaridan norozi.
Fotogalereya

Fotogalereya Ebola epidemiyasi suratlarda

Ebola epidemiyasi kengayishda davom etmoqda. BMT Bosh Assambleyasi yig'inida ham shu mavzuga alohida e'tibor qaratildi.
Fotogalereya

Fotogalereya Varshava, Polsha: O'zbekistonda inson huquqlari va siyosiy mahbuslar

Nyu-Yorkda asoslangan xalqaro tashkilot, inson huquqlari bo'yicha "Human Rights Watch" (HRW) o'zining 121 betlik yangi hisobotida tahlil qilishicha, O’zbekiston inson huquqlari keng ko’lamda poymol etiladigan davlat; so'z va fikr erkinligi faqat qog'ozda; bu huquqlarni amalda qo'llash - qamoq va qiynoq tomon yo'l. Tahlilnoma Varshavada e'lon qilindi. Yevropada Xavfsizlik va Hamkorlik Tashkiloti u yerda inson huquqlari bo'yicha yillik majlisini o'tkazmoqda. Unda O'zbekistonning taniqli huquq himoyachilari Vasila Inoyatova va Mo'tabar Tojiboyeva singari faollar so'zga chiqqan va qamoqxonalardagi vaziyat haqida tanqidiy hisobotlar bergan. Konferensiya doirasida siyosiy mahbuslarning ozod etilishiga chaqiruvchi namoyishlar ham o'tmoqda.
Fotogalereya

Fotogalereya Minglab odamlar iqlim himoyasiga otlandi

Yakshanba kuni minglab odamlar namoyishga chiqib, siyosat ahlini iqlimdagi salbiy o'zgarishlarga qarshi dadilroq harakat qilishga chaqirdi.
Fotogalereya

Fotogalereya O'n minglab suriyaliklar Turkiyaga qochayapti

Suriyada "Islomiy davlat" jangari guruhining hamlasi ketidan o'n minglab kurdlar Turkiyaga qochayapti. Anqara qochqinlarni kiritish uchun 19-sentabrda Suriya bilan chegarani ochgan. Hozirning o'zida Turkiyada Suriyadagi urushdan bosh olib ketgan yuz minglab suriyalik jon saqlamoqda.
Fotogalereya

Fotogalereya Jalol-Obod, Arslonbob va O'zgan

Jalol-Obod viloyati bo'ylab sayohat... Shahardan Suzoq qishlog'i tomon boramiz. So'ngra Arslonbob to'glariga chiqamiz va sharsharalar tagida dam olamiz. Qishloqlarni kezamiz. Jamoatchilik bilan muloqotda bo'lamiz. Bozorlar, ko'chalar va hayot. Qirg'iziston janubida shu yilning avgustida olingan suratlarni tomosha qiling. Tafsilotlar mana bu blogda: http://blogs.voanews.com/uzbek/yoshlariston/2014/09/20/jalol-obod-arslonbob-va-ozgandagi-bebaho-lahzalar/
Fotogalereya

Fotogalereya "Islomiy davlat"ga qarshi kurash

Iroq va Suriyadagi "Islomiy davlat" jangarilariga qarshi xalqaro koalitsiya tuzish jarayoni davom etmoqda. Ko'plab davlatlar o'q-dori va qurollar yetkazish, shuningdek, Iroq va kurd askarlarini harbiy tayyorgarlikdan o'tkazish ishlarida yordam berishga va'da berdi.

Interaktiv

SAYTGA KIRISHNING XAVFSIZ YO’LI