Seshanba, 02-sentyabr, 2014 Toshkent vaqti: 18:59

Muhojirlar hayoti

Chikagoda o'zbeklar davrasida

Chikagoda o'zbeklar davrasida/Uzbeks of Chicagoi
|| 0:00:00
X
06.07.2012 00:27
O'tgan dasturimizda Illinois shtatidagi azim shahar Chikago bo'ylab sayohat qilgan edik. Amerikaning yirik biznes va moliya markazi bo'lmish Chikago va uning atrofida taxminan 400 o'zbek oila yashaydi. Ilm olib, oyoqqa turishga harakat qilayotgan, turli sohalarni egallab, kichik va yirik sanoatlarda, kompaniya va firmalarda ishlayotgan, bu yerda tirikchilik qilib vatandagi yaqinlariga yordam berayotgan, orzu-havasga to'la yoshlar ham ko'p. Chikagodagi O'zbek-Amerika jamiyati tashkil etgan saylda ular bilan yaqindan muloqot qilish imkoniyatiga muyassar bo'ldik.

Chikagodagi o'zbeklar bilan muloqot/Uzbeks of Chicago

Amerikaning yirik biznes va moliya markazi bo’lmish Chikago va uning atrofida taxminan 400 o’zbek oila yashaydi. Ilm olib oyoqqa turishga harakat qilayotgan, turli sohalarni egallab, kichik va yirik sanoatlarda, kompaniya va firmalarda ishlayotgan, bu yerda tirikchilik qilib vatandagi yaqinlariga yordam berayotgan, orzu-havasga to’la yoshlar ham ko’p.

Chikagodagi O’zbek-Amerika jamiyati tashkil etgan saylda ular bilan yaqindan muloqot qilish imkoniyatiga muyassar bo’ldik.

O’zbeklar yig’ildimi, bilasiz, dasturxon yoziladi, osh damlanadi, kabob, somsa, patir va boshqa taomu-noz-ne’matlar tortiladi. Muhojirlar uchun bu nafaqat o’ziga xos ziyofat balki bir-birini tanish, hol-ahvol so’rab ruhan quvvatlash, dardlashish, birgalikda hordiq chiqarish demakdir.
 
Amerikada tug’ilgan bolalarning tili inglizchada chiqadi. Bu jamiyatning asosiy tili shu ekan, na iloj. Lekin ota-onalar ular o’zbek ekanini unutmasin deydi. Mana shunday yig’inlar yosh avlodni ko’proq o’zbekcha gapirishga o’rgatadi. Biz bilan so’zlashgan yosh onalardan biri Amerikada besh yildan beri yashayotgan ekan. O’zbeklar bir-biri bilan inoq, deydi u. 
 
Amerika hayoti tabiatan faol bo’lishni talab qiladi. Har bir daqiqa g’animat. Yetti o’lchab bir kes deganlaridek, har bir qadamni o’ylab bosishga majbursiz. Dunyoqarashni keng qilish kerak. O’zingizni chetga olsangiz, nafaqat amerikaliklar balki yurtdoshlardan ham uzilib qolasiz.
 
Bolalar ona tilni o’rgansin deb O’zbekistondan adabiyotlar, video va boshqa vositalar olib kelishadi. Lekin yig’inlar va bu materiallarning o’zi yetmaydi. Vatan sog’inchi baribir boshqacha, deydi bu muhojirlar.

Amerika qaydasan deb kelganmisiz, demak, bu jamiyatga ham o’rganish kerak. Uning tilini, mentalitetini bilib, moslashish talab qilinadi, aks holda bu yerda tirikchilik qilish, yashash qiyin. Bu yosh ona fikricha bola boqish uchun ham avvalo til bilish kerak.

Chikagoda o'zbeklar sayli/Navbahor Imamova
Chikagoda o'zbeklar sayli/Navbahor Imamovai
|| 0:00:00
...
 
🔇
X

 
O’zbekistondan Chikagoda yashayotgan farzandlarini ko’rishga kelgan Muborak Kuchkarova O’zbek-Amerika Uyushmasi tashabbusidan bag’oyat mamnun.
 
“Grin karta” yutib Amerikaga kelganlar minglab sonni tashkil etadi. Yashash va ishlashga ruxsat beradigan bu hujjat muvaffaqqiyat kaliti emas. Yangi mamlakat, yangicha shart-sharoit, talab va tartib. Harakat qilmasangiz, hech kim sizga mana diplom, mana ish, mana pul deb qo’lingizga tutqazmaydi. 

Chet elda yurgan farzandlarini sog’inib, kechalari mijja qoqmay jigarbandini o’ylab yurgan onalar ko’p. Diydor ko’rishib, bolalarning yangi hayotiga yaqindan guvoh bo’lish hammaga ham nasib etavermaydi.

“Grin karta”li o’g’lini ko’rishga kelgan onaxonlardan biri, Go'zal Abdurahimova fikricha xorijdagi o'zbeklar vatan va o'zlik tushunchasini yaxshiroq biladi.
 
Haqiqatdan ham vatan qadri musofirchilikda bilinadi. Yurt kezmagan kishi milliylik nima ekanini tushunishi qiyin.

Chikago va O'zbek-Amerika Jamiyati/Uzbeks of Chicagoi
X
29.06.2012 14:20
Buyuk ko'llar bo'yida joylashgan Chikago Illinois shtatidagi metropolis. Uch millionga yaqin aholisi bor. Yirik biznes va moliya markazi. Shuningdek, yetuk ta'lim dargohlari bilan tanilgan. Chikago global shaharlar ro'yxatida yettinchi o'rinni egallaydi. Chikago va uning atrofida yuzlab o'zbeklar yashaydi. Yaqinda "Amerika Ovozi" jurnalistlari Navbahor Imamova va Shohruh Hamro u yerga safar qilib, ular bilan suhbatda bo'ldi. Chikagodan tayyorlangan turkum lavhalarimizning birinchi qismi bilan tanishing.

 
Mehnatkash odam Amerikada yo’lini topib ketar ekan, deydi biz bilan gaplashgan muhojirlar. Yoshlar oldida cheksiz imkoniyatlar, lekin ularni topish, bellashish kerak. Tirishqoqlik – birinchi talab.

Chikagodagi o'zbek yoshlari bilan suhbat/Navbahor Imamova
Chikagodagi o'zbek yoshlari bilan suhbat/Navbahor Imamovai
|| 0:00:00
...
 
🔇
X


Ilhom Tursunov bakalavrlik va magistrlik darajasini bu yerda olib, yaxshi ish topish niyatida yuribdi. Amerikada o’qish minglab dollar qarzga botish degani, lekin bu yigit ham o’qib, ham ishlab ta’lim haqqini o’z vaqtida to’lab borayapti. Bu albatta oson emas. Yurtdoshlar bu boradagi tajribalari bilan o’rtoqlashadi, bir-biriga yordam beradi.   
 
Ilhom ham ingliz tilini bilish qanchalik muhim ekanini eslatadi. Usiz imkoniyatlaringiz cheklangan.
 
Ikki yil oldin O’shdan kelgan Farrux Sodiqov ham orzu-umidga to’la. Muhandislikka o’qigan, endi esa biznes va boshqaruv sohasini egallamoqchi.   
 
O’shlik o’zbeklar o’tgan yillar ichida ancha ko’paydi, deydi u. Kimdir ishlaydi, kimdir ilm olayapti. Yoshu-qari, baribir qiynalasiz.  

O’shlik yoshlardan yana biri - Azizbek Davronov. Ogayo, Tennessi, Alabama shtatlarida ham yashagan. Bir yildan beri Illinois shtati, aynan Chikagoda ekan. Amerika hayoti qanchalik qiyin yoki oson bo’lishi o’zingizga bog’liq, deydi u. 
 
Chet elda, xususan Amerikada yurgan yoshlar endi vatanga qaytmaydi, shuncha iste’dod va bilim, tajriba va maqsadlar bari o’zga yurtda deya afsuslanayotgan bo’lsangiz, bu yoshlar sizga o’zgacha umid bag’ishlaydi. Barining yuragida vatan sog’inchi, vatanga intilish, oilam-yaqinlarim deb yashayapti ular. Aziz, masalan, stomotolog bo’lmoqchi. Tibbiyot oliygohiga kirish uchun maxsus kurslarni tugatishi kerak. Murakkab bir jarayon va tanlovlardan o’tib, mablag’ jamg’arib, kelajak uchun poydevor qurmoqda. Amerikadagi imkoniyatlar va sehrli diyordagi hayot quvonchlari va tashvishlarini juda yaxshi biladi bu muhojirlar.

Chikagodan maxsus dastur/Amerika Manzaralari, 25-iyun/Exploring America, June 25, 2012, Chicago Speciali
|| 0:00:00
X
Voice of America
30.06.2012 11:30
Har dushanba Toshkent vaqt bilan 15:30 da sun'iy yo'ldosh orqali uzatiladigan 30 daqiqali ko'rsatuv Amerikadagi siyosiy, iqtisodiy va ijtimoiy manzara bilan tanishtiradi. Qolaversa, Qo'shma Shtatlar - Markaziy Osiyo davlatlari orasidagi aloqalarni tahlil qiladi.
Mazkur forum yopiq.
Izohlarni tartiblashtirish
Izohlar
     
Fikr bildiruvchi: Farhod E-mail adresingiz: Toshkent
05.07.2012 09:42
Chet elda, xususan Amerikada yurgan yoshlar endi vatanga qaytmaydi ... Mana shunisi odamni o'ylantiradi. Hamma aqllilar chet elda yursa, vatan haqida kim qayg'uradi?


Fikr bildiruvchi: Насиба
05.07.2012 08:05
Удумларимизни унутмагани буларнинг. Болаларимга караб харакат килларинг деяпман. Мухожирларга осон эмас экан. Навбахор синглим, рахмат.


Fikr bildiruvchi: Alisher
05.07.2012 08:01
Oshlik yurtdoshlarim bilan faxrlanaman. Omadilarni bersin Allohim.


Fikr bildiruvchi: Vasila
05.07.2012 07:57
Molodets hamma! Rosa maza qildim. Shunaqa narsalardan ko'proq beringlar. Haqiqiy hayot haqida bilish qanchalik foydali. O'zbeklarimiz qayerga borsa ham nonini topib ketadi. Afsuski, vatanda ularga kun yo'q.

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
"Islomiy davlat" va Amerika/ US-Terrorismi
X
01.09.2014 23:52
AQSh Mudofaa vaziri Chak Xeyglning aytishicha, avvaliga o'zini “Iroq va Shom islomiy davlati” deb atagan va endilikda qisqacha “Islomiy davlat” deya yuritilayotgan guruh boshqa terror tashkilotlariga qaraganda yaxshiroq qurollangan va harbiy jihatdan puxta.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Bosh vazirlikni topshirgan Nuri al-Malikiy Amirli shahrida xavfsizlik kuchlari va mahalliy fuqarolar davrasida, 1-sentabr, 2014-yil.
  • Peshmerga kuchlari Tikrit yaqinidagi Sulaymon Bek shahrining "Islomiy davlat" jangarilaridan tortib olinganini nishonlamoqda, 1-sentabr, 2014-yil.
  • Kurd peshmerga kuchlari hamda "Asaib Ahlul Haq" shia jangchilari Sulaymon Bek ustidan nazorat o'rnatdi, 1-sentabr, 2014-yil.
  • "Asaib Ahlul Haq" shia guruhi jangchisi otishmadan o'zini panaga olmoqda, 1-sentabr, 2014-yil.
  • Sulaymon Bek shaharchasida "Islomiy davlat" jangari guruhi hamda kurd va shia jangchilari o'rtasida kuchli to'qnashuv yuz berdi, 1-sentabr, 2014-yil.
  • Iroqning Inson huquqlari vaziri Muhammad Shia al-Sudaniy BMTning Yevropadagi idorasida o'tkazilgan Iroq bo'yicha maxsus yig'inda qatnashmoqda, Jeneva, 1-sentabr, 2014-yil.
  • Iroq xavfsizlik kuchlari Bag'dod yaqinidagi Amirli shahrini qo'riqlamoqda, 31-avgust, 2014-yil.
  • Amirli shahri aholisi vertolyotlarda tinch joyga evakuatsiya qilindi, 29-avgust, 2014-yil.
Fotogalereya

Fotogalereya "Islomiy davlat" jangarilariga qarshi kurash davom etmoqda

Jangarilarning Iroq poytaxti Bag'dod yaqinidagi Amirli shahriga qilgan hujumi to'xtatib qolingan. Shuningdek, kurd peshmerga kuchlari hamda shia jangchilari Sulaymon Bekni jangarilar nazoratidan tortib olgan.
Fotogalereya

Fotogalereya Bugungi Bishkek, suratlarda

Sovet davrida Frunze, ungacha esa Pishpek, bugungi kunda esa Bishkek, Qirg'iziston poytaxti, o'tgan o'n yillikda ikki inqilob va qator namoyishlarga guvoh bo'ldi. Markaziy Osiyoning boshqa biror markazi yaqin o'tmishda bu qadar siyosiy voqealarni boshdan kechirmagan. Biroq Bishkek bir qarashda Sovet davridan beri ko'p o'zgarmagandek. Imoratlar, ko'chalar eskirgan. Kommunizm nishonalarini ko'rasiz atrofda. Qizig'i, globalizatsiya bobida ham orqada qolmagan. 900 mingga yaqin aholisi bilan Bishkek Qirg'izistonning metropolisi.
Fotogalereya

Fotogalereya Kaliforniya shimolida zilzila, 6 balda

24-avgust kuni Kaliforniya shtati shimolida yer qimirladi. Uning kuchi 6 balni tashkil etgan. Hududda azaldan zilzila ehtimoli yuqori. Binolar vayron bo'lgan, yong'inlar va elektr tarmoqlarida uzilish kuzatilgan. Hech kim o'lmagan. Lekin tunda yuz bergan tabiiy ofat aholi orasida katta vahima uyg'otgan. Zilzila ayniqsa Napa shahrida qattiq sezilgan.
Fotogalereya

Fotogalereya O'zbek shoirasi Zulfiya Boboyeva xonadonida - Tojikistonning Mujun qishlog'idan fotolavha

Tojikiston aholisining 24 foizi, ikki millondan ortig’ini o’zbeklar tashkil etadi. Ular orasida yuzdan ortiq shoir va ijodkorlar bor. Respublika shimolining O’zbekiston va Qirg’iziston bilan chegaradosh G’onchi nohiyasining so’lim Mujun qishlog’ida o’zbek adabiyotining yorqin yulduzlaridan biri, shoira Zulfiya Boboyeva yashaydi. So’g’d viloyat o’zbeklar ma’naviyat va ma’rifat markazi tashabbusi va G’onchi nohiyasi raisi Zafar Ismoilzodaning joriy yil 30-iyulidagi qarori bilan Tojikiston yozuvchilar uyushmasi a’zosi, Maftun Jo’ra nomidagi adabiy mukofot laureati Zulfiya Boboyevaning 60 yoshlik yubiley tantanalari bo'lib o'tdi. Tadbir uning xonadonida kechdi. Shoira yura olmaydi. Boshlang’ich maktabda o'qib yurganidan beri aravachaga mixlanib qolgan. Ijod uning hayoti mazmuniga aylangan. Yosh qizaloq she'rga havas qo’yib, mustaqil o’qib o’rganadi, ma’lumotli bo’ladi. O’zining she’riy satrlarida bitganidek: Bo’ldilar she’rim bayotim-sabrim saodati, Yo’g’rildi shu sabab ishqqa ko’nglimning toati!
Fotogalereya

Fotogalereya Tripolidagi xalqaro aeroport jangarilar qo'liga o'tdi

Muxolifatdagi islomiy guruhning qurollangan vakillari Liviya poytaxti Tripolidagi xalqaro aeroportni egallab oldi. Ular amaldagi parlament faoliyatini noqonuniy deb hisoblab, avvalgi Milliy Kongressning qayta tiklanishini talab qilmoqda.

Interaktiv

SAYTGA KIRISHNING XAVFSIZ YO’LI