Shanba, 25-aprel, 2015 Toshkent vaqti: 05:20

Xalqaro

AQSh kompaniyasi: Kiberxurujlarning 90 foizi Xitoydan

Amerika Ovozi
Internet xavfsizligi bilan shug’ullanuvchi Amerikaning “Mendaynt” kompaniyasi Xitoy hukumatini AQShdagi saytlardan maxfiy axborot o’g’irlashga aloqadorlikda ayblamoqda.

Vashingtonlik tahlilchilar nazarida Qo’shma Shtatlar kiberurushni boy bermoqda. Ma’lumotlarga ko’ra, xakerlar kompyuter tizimlariga yangicha va ancha takomillashgan usullar bilan hujum qilmoqda.

Prezident Obama barcha davlat idoralarini kiberxurujlarga doir ma’lumotlarni xususiy kompaniyalarga uzatishni buyurdi. Kongress esa himoyaga muhtoj kompaniyalar tizimlarini kuchaytirishga qaratilgan qonunlar ustida ishlamoqda.

Xakerlik dunyo bo’ylab jinoyat hisoblanib, so’nggi yillarda unga qarshi kurash kuchaygan. AQShning “Mendaynt” kompaniyasiga ko’ra, kiberxurujlarning 90 foizidan ko’pi Shanxaydagi Xitoy xalq ozodlik armiyasi joylashgan 12 qavatli binoga yaqin hududdan amalga oshirilmoqda.

Kongress Vakillar Palatasining razvedka qo’mitasi raisi Mayk Rojersning aytishicha, masalaga jiddiy yondashish payti keldi.

"Hozir kiberurush ketyapti. Aksariyat amerikaliklar buni bilmaydi. Dunyoda ham ko’p odam bilmasa kerak. Aytish kerakki, biz bu urushda mag’lub bo’lyapmiz", - deydi qonunchi.

AQSh hukumati xakerlar harakatlari tufayli elektr ta’minoti, havo qatnovi yoki moliyaviy tizim ishdan chiqib, to’s-to’polon boshlanishi, savdo sirlari o’g’irlanishi mumkin, deya ogohlantirmoqda. “Mendaynt” kompaniyasiga ko’ra, so’nggi bir necha yilda xitoylik xakerlar bularning barchasini tekshirib chiqqan.

Xitoy Tashqi ishlar vazirligi ayblovlarni inkor etmoqda. Vazirlik rasmiysi Xon Leyning aytishicha, xakerlar hujumi xalqaro muammo ekani haqida Xitoy ko’p gapirgan.

"Ularning qayerdan turib kompyuter tizimlariga kirganini bilish o’ta qiyin. Amerika kompaniyasi hisobotidagi ma’lumotlarga ishonch yo’q", - deydi u.

Kongressmen Rojers AQSh kompaniyalariga kompyuter tizimlari himoyasini kuchaytirishga yordam beruvchi qonun tashabbusi bilan chiqdi. Hujjat hukumat idoralari va xususiy kompaniyalar o’rtasida axborot almashinuviga qo’yilgan taqiqni bekor qilishga qaratilgan.

Biroq, deydi Amerika fuqarolik erkinliklari ittifoqi vakili Mishel Richardson, bu qonun kompaniyalarga internet xavfsizligiga aloqasi yo’q ma’lumot to’plashga imkon beradi.

"Shunday qonun qabul qilinsa, shaxsiy ma’lumotlarni himoya qilishga qaratilgan qonunlar foydasiz bo’lib qoladi. Kompaniyalar davlat idoralaridan odamlarning shaxsiy, nozik ma’lumotlarini to’plashga kirishishi mumkin. Buni cheklovchi qandaydir chora ko’rish kerak", - deydi Richardson.

Internet xavfsizligi bilan shug’ullanuvchi Vebsens (Websense) kompaniyasi vitse-prezidenti Charlz Renertning aytishicha, internet va shaxsiy xavfsizlik o’rtasida muvozanatni topish lozim.

"Kiberuxujlarni o’rganish kerak. Qayerdan kelyapti, kim qilyapti, aniqlash zarur. Agar bu ish to’g’ri bajarilsa, shaxsiy ma’lumot oshkor etilmaydi", - deydi mutaxassis.

Mayk Rojers tayyorlagan qonun loyihasi Kongressning oldingi chaqirig’idan o’tmagan edi. Kiberxurujlarning harbiy va iqtisodiy tahdidiga doir xavotirlar kuchayar ekan, hujjat bu gal qabul qilinishi ehtimoldan xoli emas.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Rend Pol - prezidentlikka da'vogar respublikachii
X
24.04.2015 22:29
Kentuki shtatidan senator Rend Pol Respublikachilar partiyasining radikal qanoti bo’lmish "Choychilar" harakati liderlaridan. U ham Oq uy uchun kurashga bel bog'lagan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Shanxay hamkorlik tashkiloti doirasida harbiy mashqlar, Qirg'iziston
  • Misrda "Musulmon birodarlar" va ularning tarafdorlari bosh ko'targan
  • Iskandariya, Misr
  • Yamanda suv taqchil
  • Arman xalqi bir asr oldingi qatliomlarni eslamoqda
  • Avstraliya Birinchi jahon urushi qurbonlarini xotirlamoqda
  • Xitoyliklar "Apple" mahsulotlari sotib olish payida
  • Hukumatga qarshi namoyishlar, Janubiy Koreya
  • Bangladesh
  • Chilida katta vulqon otilgani sabab besh ming odam evakuatsiya qilingan
  • Tailand
  • Germaniya
  • Germaniya sharqi va g'arbi birlashganiga 25 yil bo'ldi
  • Nepal malikasi
Fotogalereya

Fotogalereya O'zbekistonda qiynoqlar tinmayapti, dunyo boshqa ko'z yuma olmaydi, deya bong urmoqda Xalqaro Amnistiya

O'zbekiston hibsxona va qamoqxonalarida qiynoqlar muntazam kuzatiladigan hol va bu muammoga ko'z yumish yoki uni tan olmaslik vijdonsizlikdir, deya bong urdi Xalqaro Amnistiya (Amnesty International) tashkiloti bugun Vashingtonda AQSh Kongressi qoshida o'tgan brifingda.

Interaktiv

SAYTGA KIRISHNING XAVFSIZ YO’LI