Juma, 31-iyul, 2015 Toshkent vaqti: 04:00

Xalqaro

Xitoyda jurnalistlar internet yordamida korrupsiyaga qarshi kurashmoqda

Ju Ruifen
Ju Ruifen

Multimedia

Audio
Amerika Ovozi
Xitoylik havaskor jurnalist Ju Ruifen o’tgan yili bir mansabdorning ahloqsizligini tasvirlovchi videoni internet orqali tarqatib, xalqaro jamoatchilik e’tiborini o’ziga qaratgan edi. Internet orqali ommaga ma’lum bo’lgan yana 23 ta videomaterial mansabdorlar orasidagi korrupsiyani fosh etdi.

Ju Ruifenning qo’lida kompyuter, internet va DVD dan boshqa quroli bo’lmasa-da, undan qo’rqadigan rasmiylar kam emas. “Mansabdorlarning qilmishlarini fosh etaman” der ekan, jurnalist Chonchin shahar sobiq rasmiysi Ley Jenfuni nomaqbul ahvolda tasvirlagan videoning boshqa qismlarini ham ommaga tarqatmoqchi ekanini aytadi.

Bunday faoliyat ko’plarga yoqmayotgani shubhasiz. O’tgan oyda politsiya va yana bir necha kishi jurnalistning xonadoniga bostirib borib, “biz bilan gaplashasan” deb talab qildi. Ammo Ju bundan bosh tortib, internet orqali hamkasblarini yordamga chaqirdi va eshigi tepasidagi videokameraga tushirilgan tasvirlarni internetda joylashtirdi.

“Xitoyda korrupsiya shu qadar keng tarqalganki, mansabdorlarning ahloqsizligini fosh etmasangiz, ularni lavozimidan chetlashtira olmaysiz, - deydi Ju. - Internetda so’z erkinligi bor, jamoatchilik korrupsiya haqida ma’lumot olayapti. Demak, muammo ko’lami kamayishi mumkin”.

Ju internet orqali Ley Jenfu tasvirlangan videoni tarqatganidan keyin davlat nigohiga tushdi. Xitoyning “Sinxua” axborot agentligi o’tgan hafta jurnalist bilan intervyu uyushtirdi.

Xitoyda mart oyidan boshlab prezidentlikka kirishayotgan Si Zinpin qonunni buzgan rasmiylarni javobgarlikka tortishni va’da qildi. Lekin Ju bunga ishonmasligini aytadi.

“Korrupsiyaga qo’l urgan har bir mansabdorni boshliqlari himoya qiladi. Bir-birini qo’llab-quvvatlash shu qadar kuchli-ki, muammoni hal etishning yagona yo’li so’z va matbuot erkinligiga yo’l ochib berish va odamlarning saylash huquqini kafolatlashdir,” - deydi u.
 
Renmin universitetida huquqshunos olim Xe Zixon Xitoy qonunlari yaxshi, lekin amalda ishlamaydi, deydi.

“Konstitutsiya, qonunlar amalda ishlamaydi. Har kuni buning guvohi bo’lamiz. Yo’l qoidalaridan tortib, ma’muriy qonunlar va, hatto, Konstitutsiyagacha – hech biriga to’la rioya qilinmaydi. Xitoyda qonunlar ijrosini ta’minlash kerak. Rahbarlarimiz shunga e’tibor qaratsin”. 

Ungacha Xitoyda Ju Ruifen kabi havaskor jurnalistlar internet orqali korrupsiyaga qarshi kurashni davom ettiradi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Los-Anjeles shahrida aqli zaiflar uchun maxsus olimpiadai
X
30.07.2015 21:16
Kaliforniyaning Los-Anjeles shahrida o’tkazilayotgan maxsus olimpiadada 165 davlatdan sportchilar qatnashmoqda. U dunyo bo’ylab aqlan zaif odamlarga xalqaro musobaqada qatnashish imkonini beradi. Turnir, ayni paytda, yangi do’stlar orttirish vositasi hamdir.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Quddusda taqvodor yahudiy gomoseksual insonlar paradida bir kishini pichoqladi, darhol qo'lga olindi, Isroil
  • Afg'on qochqinlar va qashshoq pokistonliklar yashaydigan hududdagi imoratlar buzib tashlanmoqda, Islomobod
  • Hindiston
  • Kiyevda kichik bizneslar mer Vitalii Klichko qabul qilgan ayrim qarorlardan norozi
  • Sherlarni o'ldirmang, deya xalqaro targ'ibot olib borayotgan amerikaliklar
  • Sichuan viloyati, Xitoy
  • Yaponiya
  • Gollivud yulduzi va BMT maxsus elchisi Anjelina Joli Birmadagi qochqinlar lagerida
  • Insonsifat robot Pepper bilan tanishing. "Softbank" kompaniyasi mahsuloti. Yaponiya.
  • Belgiya
  • Indoneziya kadetlari
  • Norvegiya
  • Simferopol, Qrim
  • Afrika va Yevropa... Samodan olingan surat (NASA)

Interaktiv

SAYTGA KIRISHNING XAVFSIZ YO’LI