Shanba, 25-oktyabr, 2014 Toshkent vaqti: 22:29

Xalqaro

AQSh: Iqlim o’zgarishi davlat xavfsizligiga raxna soladi

Amerika Ovozi
Iqlim o’zgarishi va milliy xavfsizlik bir-biri bilan chambarchas bog’liq masalalar, deyiladi AQSh Tadqiqot kengashi chiqargan tahlilnomada. Unda global iqlim o’zgarishining ijtimoiy va siyosiy ta’siri haqida so’z boradi. 


AQSh Kongressidan shunday tadqiqot o’tkazish vazifasini olgan kengash hisobotida avvalo global harorat ko’tarilib borayotgani haqiqat ekaniga urg’u berilgan.

Inson faoliyati oqibatida atmosferaga chiqayotgan zaharli gazlar hajmi tobora ko’payar ekan, tabiiy ofatlar ham tez-tez yuz bermoqda. Dengiz sathining ko’tarilishi, suv toshqinlari, qurg’oqchilik, o’rmonlar yonishi – bular har bir davlat xavfsizligiga hatto terrorizmdan ham jiddiyroq tahdid soladi, deyiladi hujjatda.

Izlanishga boshchilik qilgan Jon Staynbruner fikricha, AQShning xavfsizlik va razvedka muassasalari iqlim o’zgarishi bilan bog’liq tahdidlarni ustuvor deya belgilashi zarur. 

“Hozir tayyorgarlik darajasi yetarli darajada yuqori emas. Ayrim choralar ko’rib qo’yilgan. Bu muassasalar iqlim o’zgarishini kuzatmayapti, demoqchi emasman. Lekin tashkiliy ishlarni yaxshilash kerak”, - deydi olim.

Jon Staynbruner fikricha, toshqin va qurg’oqchilik kabi tabiiy ofatlarni o’rganish orqali dunyoning qaysi burchaklari beqarorlikka yuz tutishini aytish mumkin. Bu esa migratsiya oqimi, ijtimoiy nizolarni bashorat qilish imkonini beradi. Masalan, Afrika va Janubiy Osiyoda qashshoqlar ko’p, hukumatlar zaif bo’lgani sababli tabiiy ofatlar u yerdagi aholiga ayniqsa katta ta’sir ko’rsatadi.

Hisobot mualliflari jahon hamjamiyatini iqlim o’zgarishiga oid ma’lumot to’plashda hamkorlikni oshirishga undaydi. Kengash raisi Staynbruner Pokiston va Hindistonni hamkorlikning salbiy misoli sifatida keltiradi. Bu ikki davlat yog’ingarchilikka doir ma’lumotlarni AQSh bilan o’rtoqlashmaydi, vaholanki bu bilan Janubiy Osiyoda toshqinlar va qurg’oqchilikka tayyorgarlik darajasini oshirish mumkin.

“Global miqyosda diplomatik va ilmiy muloqotni yo’lga qo’ymasa bo’lmaydi. Birgalikda qoidalar ishlab chiqaylik, ularga hamma birdek rioya qilsin. Ayni mezonlarni qo’llab, iqlimni kuzatamiz va ma’lumotni bir-birimiz bilan o’rtoqlashamiz, deyishi kerak siyosatchilar. Bundan hamma foyda ko’radi”, - deydi olim.
 
Arktika okeanidagi muzlar sathining pasayishi oqibatida davlatlar orasida u yerdagi tabiiy boyliklar uchun raqobat kuchayishi aniq. AQSh bunga javoban nima qilishni oldindan rejalashtirsin, deydi Staynbruner. 

Worldwatch instituti nomli nodavlat tashkiloti rahbari Aleksandr Oksga ko’ra, izlanish iqlim o’zgarishiga jiddiy yondashish kerakligini namoyish etadi.

“Zaharli gazlar hajmini kamaytirishga qaratilgan barcha urinishlar kelajakda muammo ko’lamini ham kamaytirishi shubhasiz. Demak, bunday harakatlardan katta foyda ko’ramiz”, - deydi u.

Hisobotda atmosferani zaharlayotgan gazlarni qanday qilib kamaytirish haqida hech narsa deyilmagan. Asosan hozirgi ahvol hamda tabiiy ofatlarni o’rganib, bashorat qilish haqida so’z boradi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Sonora sahrosi - AQSh-Meksika chegarasida - Water for Migrantsi
X
24.10.2014 23:59
Sonora dashti Shimoliy Amerikadagi eng issiq joylardan. Shunga qaramay Meksikadan chegarani kesib o’tmoqchi bo’lganlar ko’p hollarda aynan shu yerni tanlaydi. Safarga chiqqanlar orasida chanqoqlikdan nobud bo’lganlar kam emas. Bir mahalliy tashkilot suv ulasha boshlagan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kobani

  • Kobani

  • Turkiya-Suriya chegarasida

  • Bag'dod

  • Kanadalik askarlar Iroqqa yo'l olayapti.

Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.

Interaktiv

SAYTGA KIRISHNING XAVFSIZ YO’LI