Shanba, 01-noyabr, 2014 Toshkent vaqti: 08:12

Yaqin Sharq

Klinton Bing’ozidagi fojea haqida Kongressga javob berdi

Amerika Ovozi
Amerika Davlat kotibasi Xillari Klinton bugun Senat va Vakillar palatasida so’zlab, o’tgan yilning sentabrida Liviyada AQSh vakolatxonasiga uyushtirilgan hujum borasida jo'shib hisobot berdi.

U qonli bu fojea haqida Obama ma'muriyati xolis axborot bermadi, haqiqatni yashirdi, qabilidagi ayblovlarni qat'iyan, keskin rad etmoqda.

"Dunyodagi jamiki diplomatlarimizni himoya qilish uchun agressiv chora ko'rayapmiz", - dedi u.

11-sentabrda Bing’ozi shahrida elchi Kris Stivens va yana uch amerikalik halok bo’lgan edi.
 
Hissiyot va shijoatga to'la Xillari Klinton besh yarim soat davomida, xususan, xavfsizlik tizimidagi nuqsonlar va xatolar yuzasidan siquvga olinib, hujumni tergov qilgan idora maslahatlarining ijrosi haqida so’zladi.

Kuzda ro’y bergan bu mash’um voqeani sinchiklab tekshirgan kengash xulosasiga ko’ra, vakolatxonada xavfsizlik mutlaqo talabga javob bermagan. Bing’ozidagi konsullik mudofaasini ta’minlash Vashingtondagi rasmiylar uchun birlamchi vazifalardan bo’lmagan, deyiladi xulosada.

Respublikachi senator Bob Korker deydiki, bu hujum Davlat departamenti al-Qoida kasb etgan xavf-xatar ko’lamini to’liq anglamaganini, nazar-pisand qilmaganini namoyish etgan.
 
“Al-Qoida yetakchisi Osama bin Laden yo’q qilinib, terrorchilik hujumi xavfi ham bartaraf etildi deyish mudhish xatodir. "Arab bahori" aynan al-Qoida oyoqqa turayotgan bir paytga to’g’ri kelgani sir emas. Shunday ekan, bugun dunyo har qachongidan xatarli bir makon”, - deydi u.

Dastlab Senatda so'zlagan vaziraning aytishicha, bu hamla butun Shimoliy Afrika mintaqasida terrorchilar kasb etgan xavf-xatarni aks ettiradi.

"Arab dunyosida ro’y bergan qo’zg’olonlar mavjud tizimlarni titratib, mintaqada mudofaani izdan chiqargan", - deydi Klinton.

“Malidagi beqarorlik terrorchilar uchun qulay sharoit yaratdi va ular ta’sir doirasini oshirdi. O’tgan hafta Jazoirda sodir etilgan hujum bunga dalil bo’la oladi”, - dedi u.
 
Klintonning aytishicha, Obama ma’muriyati Jazoirda, Liviya bilan chegara yaqinida xorijliklar garovga olinganidan beri bu davlat rahbariyati bilan muntazam aloqada. "Tutqunlikda halok bo’lgan insonlar oilalariga chuqur hamdardlik izhor etamiz", - dedi vazira.
x

Savol-javob paytida vazira Davlat departamenti, Amerika harbiylari va Liviya hukumatining kuzgi hamlaga “mavridida” javob qildi va amerikaliklarning hayoti saqlab qolindi, dedi.
 
Bu nafaqat siyosiy, balki shaxsiy bir fojeadir, deydi Klinton:
 
“Endryus bazasidan tobutlar olib chiqilar ekan, men prezident Obama bilan ularni kutib oldim. Yaqinidan ayrilgan ota-onalar, aka-inilar, o’g’il-qizlar, farzandini yolg’iz katta qilishga majbur onalarni bag’rimga bosdim”, - dedi vazira ko'zida yosh bilan.

Klinton nazarida hozir aybdorni qidirishdan muhimroq ishlar bor:

"To'rt amerikalik halok bo'ldi. Bunga turtki bergan narsa namoyishlarmi? Yoki bir odam kechasi turib, amerikaliklarni o'ldirib kelishga qaror qilganimi? Hozir buning nima farqi bor? Bizning ishimiz - nima ro'y berganini aniqlab, boshqa qaytarilmasligini kafolatlash".
Dunyodagi jamiki diplomatlarimizni himoya qilish uchun agressiv chora ko'rayapmiz.

Diplomat, jumladan, AQShning BMTdagi elchisi Syuzan Raysga nisbatan yangrayotgan tanqidlarni rad etdi.

Muxolif respublikchilar shikoyati shundan iboratki, Rays avvaliga islomni mayna qiluvchi hujjatli film hujumga turtki bergan, deya bayonot bergan.

"Qo'limizda bor ma'lumotga tayanib, vaziyatni izohlashga, aniqlik kiritishga harakat qilayotgan edik. O'tmishda kim, nima degani emas, xavfsizlikni mustahkamlash oldimizda turgan burch, vazifadir", - dedi u.

Diplomat Afrika shimolida ekstremizm, jihod kayfiyati haqida ogohlantiradi:

"Global muammo haqida gap ketmoqda. Yirik terrorchilarni yo'q qilishimiz mumkin, lekin kuchli demokratik institutlarni barpo etib, qadriyatlarimizni aniq-tiniq bayon qilmas, mustahkam munosabatlarni yo'lga qo'ymas ekanmiz, ahvol beqarorligicha qolaveradi", - deydi u.

Davlat departamenti matbuot kotibasi Viktoriya Nulandning aytishicha, Klinton xatolarini hamisha tan olib, mas’uliyatni bo’yniga olib kelgan.
To'rt amerikalik o'ldi. Bunga turtki bergan narsa namoyishlarmi? Yoki bir odam amerikaliklarni o'ldirib kelishga qaror qilganimi? Hozir buning nima farqi bor? Bizning ishimiz - nima ro'y berganini aniqlab, qaytarilmasligini kafolatlash.

Xizmat muddati tugab borayotgan Klinton ishdan ketishdan oldin, ya'ni martgacha deyarli barcha tavsiyalarni amalga oshirish qarorida qat’iy, deydi Nuland.

Klintonning aytishicha, Bing'ozidagi hujum ortida turgan terrorchilar qidiruvda va ular oxir-oqibat javobgarlikka tortiladi. Kun davomida diplomat Vakillar palatasi Tashqi aloqalar qo'mitasida so'zlab, savollarga javob berdi.
 
Tashqi ishlar vazirasi ikki haftadan keyin lavozimini bo’shatadi. Uning o’rnini demokrat senator Jon Kerri egallashi kutilmoqda.

Klinton dekabr oxirida tobi qochib, yiqilgan va miya chayqalishi natijasida kasalxonaga tushgan edi. Uch hafta oldin xizmatga qaytdi.

Bing'ozidagi hujumda to'rt amerikalik, xususan, elchi Kris Stivens halok bo'lgan edi:

Liviyadagi fojia, Obama nima deydi?/US Libyai
X
14.09.2012 22:16
Prezident Barak Obamaning aytishicha, uning ma’muriyati Liviya hukumati bilan yaqindan hamkorlik qilib, Bing’ozida AQSh vakolatxonasiga hujum ortida turganlarga qarshi birgalikda chora ko’radi. Xuruj to’rt amerikalikni, jumladan elchini hayotdan olib ketdi.


  • Elchi Kristofer Stivens
  • Elchi Kris Stivens liviyaliklar bilan qo'l berib ko'rishmoqda. Tripoli, 27-avgust, 2012-yil.
  • AQSh elchisi Jon Kristofer Stivens Tripolida Liviya Muvaqqat boshqaruv kengashi raisi Mustafo Abdul Jalil bilan ko'rishmoqda. 2012-yilning 7-iyuni.
  • Elchi Kristofer Stivens Liviyaning Bing'ozi shahrida muxolifat yetakchilari va Afrika Ittifoqi delegatsiyasi uchrashuvida, 2011-yilning apreli.
  • Elchi Kris Stivens Bing'ozida Afrika Ittifoqi delegatsiyasi va Liviya muxolifati yetakchilari o'rtasidagi muloqotdan keyin mahalliy matbuot bilan gaplashmoqda. 2011-yilning apreli.
  • Elchi Kris Stivens, Britaniya diplomati Kristofer Prentis Bing'ozida Muvaqqat boshqaruv kengashi vakili doktor Sulaymon Fortiya bilan ko'rishmoqda.
  • Britaniya elchisi Kristofer Pretis va Amerika diplomati Kris Stivens Bing'ozida Liviya isyonchilari yetakchisi Mustafo Abdul Jalil o'tkazgan matbuot anjumanida ishtirok etmoqda.
  • Amerika elchisi Kris Stivens, Britaniya diplomati Kristofer Prentis va Liviya Muvaqqat boshqaruv kengashi vakili Abdul Hafiz Goqa marhum jurnalist Tim Xezeringtonni xotirlash marosimida.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI